لاتىن قارپىندەگى ءالىپبيدى ەنگىزۋدە نەنىڭ باستى نازاردا بولاتىنىن ايتىلدى
ق ر ب ع م مەملەكەت تاريحى ينستيتۋتىنىڭ جەتەكشى عىلىمي قىزمەتكەرى قۇندىزاي ەرىمبەتوۆا لاتىن الىپبيىنە قاتىستى وسىلاي دەپ پىكىر ءبىلدىردى، دەپ حابارلايدى «قازاقپارات» ح ا ا ءتىلشىسى.
«ەڭ الدىمەن، جاڭا ءالىپبيدىڭ جاسالۋى قوعامنىڭ زور قولداۋىنا يە. مەنىڭشە، حالقىمىزدىڭ باسىم بولىگى لاتىن الىپبيىنە كوشۋدى قولداپ وتىر. ەكىنشىدەن، مەملەكەتتىلىگىمىز وركەندەپ، شەكارامىز بەكىتىلگەننەن كەيىن ۇلتتىق ءالىپبيىمىز دە بولۋى كەرەك. ەلباسى ءوز سوزىندە ايتىپ كەتكەنىندەي، جالپى تۇركى ەلدەرىندە تۇركيادا، ازەربايجايدا، وزبەكستاندا ءالىپبيىن بەكىتكەن كەزدە قوعامدىق پىكىردى ەسكەرىپ، كوپتىڭ تالقىسىنا سالۋ قازاقستانداعىداي كولەمدە بولماعان. بۇل تۇرعىدا قوعامدىق پىكىر بارىنشا ەسكەرىلىپ وتىر»، - دەيدى قۇندىزاي ەرىمبەتوۆا.
ونىڭ ايتۋىنشا، ءالىپبيدى نەگىزدەيتىن ماماندار. ءتىل ماماندارى تىڭ قادامدى تاريحي اسپەكتىدە زەرتتەپ، ءبىر عانا ءتىل ينستيتۋتى لاتىن قارپىن زەردەلەۋ جۇمىسىمەن 15 جىل بويى اينالىسىپ كەلە جاتىر.
«تاجىريبەلىك تۇرعىدا كورسەتۋ ءۇشىن بەكىتىلمەگەن بولسا دا لاتىن قارپىندە ماقالالاردىڭ ءبىر نۇسقالارى گازەت- جۋرنالدار ارقىلى حالىققا ۇسىنىلدى. بۇعان قوسا 1929-1940 -جىلدارداعى حالقىمىزدىڭ وزىندىك تاجىريبەسى بارىن دا ۇمىتپاعان ابزال. بيلىك قوعامدىق پىكىرمەن ساناسپايتىن بولسا، وندا كۇنى كەشە پارلامەنتتە ۇسىنىلعان ءبىرىنشى نۇسقاسى قولدانىسقا ەنەتىن ەدى. كۇنى كەشە دە ءالىپبيدىڭ سوڭعى نۇسقاسىن حالىققا كەڭىنەن تانىستىرۋ جۇمىسى تاپسىرىلدى. نەگىزىنەن «ءبىر قارىپ - ءبىر دىبىس» دەگەندى نەگىزگە العانى دا قوعامدىق پىكىردىڭ اسەرى. سوڭعى شىعارىلعان نۇسقا ادامداردىڭ كوڭىلىنەن شىعىپ جاتىر دەپ ويلايمىن. ءبىراق، قوعام تاراپىنان ۇسىنىستار ءالى بار»، - دەيدى ول.
قۇندىزاي ەرىمبەتوۆا ءوز سوزىندە جالپىحالىقتىق قولداۋعا يە بولعان لاتىن الىپبيىنە كوشۋ جۇمىسى زامان تالابى، زاڭدى قۇبىلىس ەكەنىن ايتادى.
«وتىرا بەرسەك، ەكسپونى وتكىزبەس ەدىك، قازاقستان-2050 ستراگەتياسىن دا جاساماس ەدىك. جاڭا ءالىپبي مەملەكەتتىڭ تۋى مەن ەلتاڭباسى سەكىلدى، عاسىردان عاسىرعا وتەدى. ۇلتتىق مۇددە تۇرعىسىنان العاندا ءالىپبيىمىزدى تەزىرەك بەكىتۋىمىز كەرەك»، - دەپ ءتۇيدى قۇندىزاي ەرىمبەتوۆا.
