تورەعاليدىڭ جارى تولقىنعا ارناعان ءانى قالىڭ كورەرمەندى جىلاتتى - فوتو، ۆيدەو
تىڭدارماندى ءزاۋلىم سارايعا تولتىرعان تورەش شىعارماشىلىق كەشىندە جۇرگىزۋشىلىكتى ءوزى تىزگىندەپ، حالىقپەن سۇحباتتاسىپ، ەمىن-ەركىن فورماتتا وتكىزۋدى ءجون دەپ شەشكەن. شوۋ-كونسەرتتى تاماشالاپ قايتقان.
جوبا اۆتورلارى #ايحاي25 دەپ اتالاتىن كونسەرتتىك باعدارلاماعا 25 ترەكتى توعىستىرعان. وسى ۋاقىتقا دەيىن تەك ب ا ق وكىلدەرىمەن جۇزدەسىپ، جۇبايى جايلى ازدى-كەم اقپارات بەرگەن تورەعالي، بۇل كەشتە ءبىر باسىنىڭ ەكەۋ بولعانىن ايتىپ، ءدۇيىم جۇرتتان ءسۇيىنشى سۇرادى. سونىمەن قاتار، جۇبايىنا ارناپ جازعان جاڭا ءاننىڭ تۇساۋىن كەستى.
«قۇرمەتتى اعايىن، ءسۇيىنشى! مەن قازاق قىزعا ۇيلەندىم! سۇراساڭىزدار ايتايىن، تاڭداعان جارىم ۇلى جۇزدەن، الباننىڭ قىزى. ەسىمى تولقىن. بۇگىنگى كەشتە ءوزىمنىڭ ومىرلىك جۇبايىما ارناپ سۋ جاڭا ءاننىڭ تۇساۋىن كەسكەلى تۇرمىن. ول ءان «تولقىن» دەپ اتالادى»، - دەپ قوس قىزىنىڭ اناسىنا ءان ارناعان تورەعالي تىڭدارمانعا تىڭ ترەكتى تارتۋ ەتتى.
ال، گۇلنۇر ورازىمبەتوۆا 5 كۇن قاتارىنان كونسەرت بەرۋدى جوسپارلاپ وتىرعان تورەشتىڭ بۇل قادامىن باتىلدىققا بالاپ وتىر. ءوزى مۇنداي كەشتى وتكىزۋگە جۇرەكسىنەتىنىن دە جاسىرمادى. ال، تورەعاليدىڭ شيراقتىعىن وسىدان 17 جىل بۇرىن بايقوڭىرعا بارعان ءانساپاردا بايقاعانىن ايتادى.
«سول كەزدە باسىندا شاش جوق، 8 جاستاعى تاقىرباس بالا بولاتىن! تورەعالي كونسەرتكە كەلىپ بىزبەن سۋرەتكە ءتۇسىپ ءجۇر. فوتولار مەندە دە، تورەعاليدىڭ ۇيىندە دە بار. سول كونسەرتتە «قورقىت- قوبىز» ءانىن ايتقان كەزدە، جاقىنداپ وسى ءاندى تىڭداپ، قوسىلا شىرقاپ تۇرعانى ءالى ەسىمدە. سول كەزدە بۇل بالانىڭ پىسىقتىعىن بايقاعانمىن»، - دەيدى وتكەن شاقتى ەسكە العان گۇلنۇر ورازىمبەتوۆا.
تورەعاليدى قولداۋدا وزگە ارىپتەستەرى دە قول قۋسىرىپ وتىرعان جوق! ماسەلەن، تامارا اسار تورەشتىڭ كونسەرتىنە سالماعى 2,5 كەلى تارتاتىن بىرنەشە ساماۋرىنداردى ارنايى باس قالادان الا كەلگەنىن ايتادى.
«ءبىز استانادان 8 ساماۋرىندى الىپ كەلدىك. نەگىزى باسىندا 16 ساماۋرىندى الىپ كەلەمىز دەپ ويلاعانمىن. ولاردى ءبىر كۇندە اكەلۋ مۇمكىن ەمەس بولدى دا، ودان كەيىن 10 عا ءتۇستى، ودان كەيىن 8 اكەلدىك. تورەعاليدىڭ وتباسىندا ساماۋرىن ءاردايىم قايناپ تۇرسىن دەگەن نيەتپەن ىرىمداپ ساحناعا الىپ شىقتىم»، - دەيدى تامارا اسار.
ەستەرىڭىزگە سالا كەتسەك، «ۇلى دالا بالاسىنىڭ» الاتاۋ باۋرايىنداعى ءان كەشى قازاننىڭ 14- جۇلدىزىنا دەيىن جالعاساتىن بولادى. ال، وسى ايدىڭ 17 سى كۇنى تورەعالي مەن جۇبايى تولقىننىڭ ءدۇبىرلى تويى، الماتىداعى ەڭ قىمبات مەيرامحانالاردىڭ بىرىندە وتەدى.
Stan.kz
