09:37, 11 - قازان 2017 | GMT +5
استانادا ءۇش جىگىت ەڭ بيىك عيماراتتىڭ توبەسىنەن سەكىردى - فوتو
استانا. قازاقپارات - شەتەلدىك ءۇش ەسترەمال(سىناقشى) سپورتشى استاناداعى «يزۋمرۋدنىي كۆارتال» كەشەنىنىڭ توبەسىنەن پاراشيۋتپەن سەكىردى.
ەر ادامدار قازاقستاننىڭ ەلورداسىنا گەرمانيا مەن اۆستريا مەملەكەتتەرىنەن كەلگەن.
بۇل تۋرالى Sputnik قازاقستان جازادى.
28 جاستاعى ماكس پەن ونىڭ دوستارى 26 جاستاعى ماركو جانە 33 جاستاعى ماركو ءۇشىن بۇل سەكىرۋ العاشقى سەكىرىس ەمەس.
«ءبىز قازاقستاننىڭ ەڭ بيىك عيماراتىنان سەكىردىك، بۇل وتە قىزىقتى ءارى كەرەمەت بولدى. پاراشيۋتپەن سەكىرۋ ءبىز ءۇشىن ءارى جۇمىس، ءارى اۋەسقويلىق بولىپ تابىلادى. ءبىز دۇنيەجۇزى بويىنشا سەكىرىپ ءجۇرمىز، بىلتىر ءبىز بوسنياداعى ەڭ بيىك عيماراتتان سەكىردىك»، - دەدى ماكس.
