پاۆلوداردا كولىگىن جۇرگىزە الماعان ايەل ءۇش ماشينانى سوقتى

استانا. قازاقپارات - پاۆلوداردىڭ مامانداندىرىلعان اكىمشىلىك سوتىندا قالا تۇرعىنى ك. قاتىستى اكىمشىلىك ءىس قارالدى.

«13 -قىركۇيەكتە پاۆلودار قالاسىندا جۇرگىزۋشى ك. «Toyota RAV4» ماركالى كولىك قۇرالىن باسقارىپ سۋۆوروۆ كوشەسى مەكەنجايىنداعى كولىك تۇراعىنان ارتقا قاراي قوزعالۋ بارىسىندا الدىمەن «Toyota Carina» ماشيناسىنا، سودان كەيىن «Toyota Camry» - گە سوعادى. ودان ارى قوزعالۋىن جالعاستىرىپ، «Toyota Avensis» اۆتوموبيلىنە قاقتىعىسقان»، دەپ حابارلادى پاۆلودار وبلىستىڭ سوتىنىڭ سايتى.

ك. اكىمشىلىك قۇقىقبۇزۋشىلىق جاساعانىن جانە جول ءجۇرۋ ەرەجەسىن بۇزعانىن، كولىك قۇرالدارىنا زاقىم كەلتىرىپ ماتەريالدىق شىعىن اكەلگەنىن مويىندادى.

سوت قاۋلىسىمەن ك، اكىمشىلىك قۇقىق بۇزۋشىلىق تۋرالى كودەكسىنىڭ 610-بابىنىڭ 1-بولىگىندە قاراستىرىلعان قۇقىق بۇزۋشىلىقتى جاساعانى ءۇشىن كىنالى دەپ تانىلىپ، وعان 10 ايلىق ەسەپتىك كورسەتكىش مولشەرىندە تەڭگە ايىپپۇل سالىندى.

قاۋلى زاڭدى كۇشىنە ەنگەن جوق.