اقمولا وبلىسىندا اۋدان اكىمى قاتاڭ سوگىس الىپ، ورىنباسارى قىزمەتىنەن بوساتىلدى
وبلىس اكىمدىگىنىڭ باسپا ءسوز قىزمەتىنەن حابارلاعانداي ايماق باسشىسى مالىك مىرزاليننىڭ توراعالىمەن كادرلىق كوميسسيانىڭ كەزەكتى وتىرىسى بولىپ ءوتتى.
جيىندا كۇن تارتىبىنە بايلانىستى ەڭبەكشىلدەر اۋدانىنىڭ اكىمى اسقار قيىقوۆتىڭ تۇرعىن ءۇي كوممۋنالدىق شارۋاشىلىعى جانە كادر ساياساتى ماسەلەسى بويىنشا لاۋازىمدى تۇلعالار قىزمەتىن باقىلاۋسىز جىبەرگەنى ءۇشىن تارتىپتىك جاۋاپكەرشىلىگى قارالدى.
وبلىس اكىمى اپپاراتىنىڭ باسشىسى قانات شوكەنوۆتىڭ مالىمەتى بويىنشا ەڭبەكشىلدەر اۋدانى بويىنشا ارنايى قۇرىلعان جۇمىس توبىمەن جۇرگىزىلگەن تەكسەرىس بارىسىندا ستەپنياك قالاسىندا 21 پاتەرلى تۇرعىن ۇيدە پاتەر بولۋدە تۇرعىن ءۇي زاڭناماسىنىڭ بىرنەشە رەت ورسكەل بۇزىلعانى انىقتالدى.
بۇعان اۋدان اكىمىنىڭ ورىنباسارى امانگەلدى مەشەلوۆ جەتەكشىلىك ەتكەن تۇرعىن ءۇي كوميسسياسىنىڭ ءالسىز جۇمىسى سەبەپ بولعان. وسىعان وراي وسى كۇنى امانگەلدى مەشەلوۆ قىزمەتىنەن بوساتىلىپ وتىر.
ال، كادرلىق كوميسسيا وتىرىسىنىڭ قورىتىندىسى بويىنشا اۋدان اكىمى اسقار قيىقوۆ قاتاڭ سوگىس رەتىندە تارتىپتىك جاۋاپكەرشىلىككە تارتىلدى.
