22:08, 10 - قازان 2017 | GMT +5
اقتاۋدا العاش رەت ترانسفورماتور شىعاراتىن جاڭا زاۋىت ىسكە قوسىلادى
استانا. قازاقپارات - اقتاۋ ترانسفورماتور زاۋىتى ازەربايجان ينۆەستورلارىنىڭ قارجىسىنا سالىنىپ جاتىر. جوباعا 9 ميلليارد تەڭگە جۇمسالدى.
جاڭا زاۋىتتا جىلىنا 1 مىڭ 200 ترانسفورماتور مەن 2 جارىم مىڭ توننا ەلەكتر كابەلى وندىرىلەدى.
«اقتاۋ تەڭىز پورتى» ارنايى ەكونوميكالىق ايماعىندا جىل سوڭىنا دەيىن تاعى ەكى جوبا جۇزەگە اسىرىلادى. ءبىر مەزگىلدە 3 مىڭ توننا كوكونىس ساقتايتىن قويما مەن مۇنايگاز سالاسىنا قاجەتتى تەمىر بۇيىمدارىن شىعاراتىن زاۋىت جەلتوقسان ايىندا ىسكە قوسىلادى. 200-دەن استام ادام جۇمىسپەن قامتىلادى. جالپى اقتاۋداعى ەكونوميكالىق ايماقتا 17 كاسىپورىن ءساتتى جۇمىس ىستەپ تۇر.
ايگەرىم مولدابەكوۆا، «اقتاۋ تەڭىز پورتى» ا ە ا باسقارما باسشىسىنىڭ مىندەتىن اتقارۋشى:
- بۇگىنگى تاڭدا يگەرىلگەن ينۆەستيتسيا كولەمى - 88 ميلليارد تەڭگە 241 ميلليارد تەڭگەگە ءونىم شىعارىلعان. مىڭنان اسا تۇراقتى جۇمىس ورنى اشىلدى. مەملەكەتكە تولەنگەن سالىقتىڭ كولەمى 21 ميللياردتان اسادى.
www.24.kz
