قازاقستاننىڭ بوكستان ايەلدەر قۇراماسى ازيا بىرىنشىلىگىنە تولىق قۇرامدا قاتىسادى
جارىس وتكىزۋشى ەلدىڭ، سونداي- اق ءۇندىستان، قازاقستان جانە وزبەكستان كوماندالارى تولىق قۇرامىن جاريالادى.
«تىركەۋ ەرەجەلەرىنە سايكەس، ايەلدەر اراسىنداعى قۇرلىق بىرىنشىلىگىنە 22 ەلدەن 118 سپورتشىنىڭ قاتىسۋى جوسپارلانىپ وتىر. سوڭعى ءتورت چەمپيوناتتىڭ ديناميكاسىنا قاراپ ازيادا ايەلدەر بوكسىنىڭ ايتارلىقتاي دامىعان كورۋگە بولادى. تۋرنير دەبيۋتانتتارىن دا ەرەكشە اتاپ كورسەتكەن ورىندى، ولار - كامبودجا، لاوس، ميانما، سينگاپۋر كوماندالارى» ، - دەيدى ازيا بوكس كونفەدەراتسياسىنىڭ اتقارۋشى ديرەكتورى باعداۋلەت تورەحانوۆ.
ەسكە سالا كەتسەك، 2008 -جىلى ءۇندىستانداعى جارىسقا قۇرلىقتان 79 سپورتشى، 2010 -جىلى قازاقستاندا وتكەن بىرىنشىلىكتە 16 ەلدەن 84 بوكسشى، 2012 -جىلى موڭعوليادا 17 ەلدەن 82 سپورتشى، ال 2015 -جىلى قىتايدا وتكەن جارىسقا 16 ەلدەن 96 سپورتشى قاتىسقان بولاتىن.
