سوچيدە ت م د سىرتقى ىستەر مينيسترلەرى كەڭەسىنىڭ وتىرىسى ءوتتى

 سوچي. قازاقپارات - تاۋەلسىز مەملەكەتتەر دوستاستىعى سىرتقى ىستەر مينيسترلەرى كەڭەسىنىڭ سوچيدە وتكەن وتىرىسىندا سىرتقى ساياسات ۆەدومستۆولارىنىڭ باسشىلارى ت م د قىزمەتىنىڭ ءتۇرلى سالالارىنداعى ىنتىماقتاستىقتى ودان ءارى كەڭەيتۋ مەن تەرەڭدەتۋگە باعىتتالعان قۇجات جوبالارىن قارادى.

  «سىرتقى ىستەر مينيسترلەرى شاعىن قۇرامدا كۇن ءتارتىبىن - وتىرىس رەگلامەنتىن بەكىتتى جانە ءبىرقاتار ماسەلەلەر قارالدى. اتاپ ايتقاندا، دوستاستىققا مۇشە مەملەكەت باسشىلارىنىڭ وتباسى ينستيتۋتىن جانە ءداستۇرلى وتباسىلىق قۇندىلىقتاردى قولداۋ تۋرالى مالىمدەمەسىنىڭ جوباسى تۋرالى شەشىم قابىلداندى. مالىمدەمەنى قاتىسۋشىلاردىڭ بارلىعى قولدادى. سونىمەن قاتار ت م د اتقارۋ كوميتەتىندەگى 2018-2020 -جىلدارعا كۆوتالىق لاۋازىمدار ءبولىنىسى تۋرالى شەشىم قابىلداندى. ت م د سىرتقى ىستەر مينيسترلەرى كەڭەسىنىڭ كەزەكتى وتىرىسىن 2018 -جىلعى 6 - ساۋىردە مينسكىدە (بەلارۋس رەسپۋبليكاسى) وتكىزۋ تۋرالى شەشىم قابىلداندى. بۇدان تىس، تاۋەلسىز مەملەكەتتەر دوستاستىعىندا 2019 -جىلدى كىتاپ جىلى، 2020 -جىلدى ۇلى وتان سوعىسىنداعى جەڭىستىڭ 75 جىلدىعى دەپ جاريالاۋ تۋرالى شەشىم قابىلداندى. سىرتقى ىستەر مينيسترلەرى قالعان قۇجاتتاردى جوعارى دەڭگەيدە دايىندالعاندىقتان، تالقىلاۋسىز قول قويۋعا كەلىستى»، - دەپ مالىمدەدى ت م د اتقارۋشى حاتشىسى سەرگەي لەبەديەۆ.

 ت م د سىرتقى ساياسات ۆەدومستۆولارىنىڭ باسشىلارى، سونداي- اق ت م د مەملەكەت باسشىلارى كەڭەسىنىڭ مەملەكەت باسشىلارى كەڭەسى مەن ۇكىمەت باسشىلارى كەڭەسىنىڭ اراسىنداعى وكىلەتتىكتەردىڭ اراسىن بەلگىلەۋ تۋرالى، ت م د سىرتقى ىستەر مينيسترلەرى كەڭەسى تۋرالى ەرەجە تۋرالى، دوستاستىقتىڭ ەكونوميكالىق كەڭەسى تۋرالى ەرەجە تۋرالى شەشىمدەرىنىڭ جوبالارىن دا ماقۇلدادى.