بەردىبەك ساپاربايەۆ التىن وندىرەتىن كەن ورنىنىڭ قۇرىلىسىمەن تانىستى
اقتوبە وبلىسى مۇعالجار اۋدانىندا التىن قورى بار. قازىرگى ۋاقىتتا مۇندا قۇرىلىس جۇمىستارى ءجۇرىپ جاتىر. التىندى اۋىلىنداعى كەن ورنى ىسكە قوسىلعان كەزدە جىلىنا 5 ميلليون توننا التىن رۋداسى وندىرىلەدى. جوبا قۇنى - 148 ميلليارد تەڭگە. بۇل ەلىمىزدەگى ەڭ ءىرى كەن ورىندارىنىڭ ءبىرى بولمادى. اقتوبە وبلىسى اكىمىنىڭ باسپا ءسوز قىزمەتىنىڭ حابارلاۋىنشا، ءوڭىر باسشىسى بەردىبەك ساپاربايەۆ قۇرىلىس جۇمىستارىمەن تانىستى. نەگىزىنەن «Аltynex Company» كومپانياسى «التىندى» كەن ورنىن 2015 -جىلدىڭ قازان ايىنان باستاپ يگەرىپ كەلەدى. ازىرگە جىلىنا تەك 300 مىڭ توننا رۋدا ءوندىرىلىپ جاتىر.
«قۇرامىندا التىنى از رۋدانى اشىق تاسىلمەن يگەرۋ ءۇشىن قۇرىلىس جۇمىستارى ءجۇرىپ جاتىر. بيىل ءساۋىر ايىندا ينۆەستورلار 10 ميلليون دوللار كولەمىندە قارجى سالدى. كەلەر جىلى تاعى 100 ميلليون دوللار قارجى جۇمساپ، كومبيناتتىڭ قۇرىلىسىن اياقتايدى. مۇندا 600 ادام جۇمىس ىستەپ جاتىر. ءبارى كەن وندىرىلەتىن اۋدان تۇرعىنى. قۇرىلىس جۇمىستارى اياقتالىپ، جاڭا ءوندىرىس ىسكە قوسىلعان سوڭ جۇمىسشىلار قايتا دايارلاۋدان ءوتىپ، كەن ورنىنا جۇمىسقا قابىلدانادى. جاڭا ءوندىرىس 2019 -جىلدىڭ اياعىندا ىسكە قوسىلادى دەپ جوسپارلانعان، ال تولىق قۋاتتىلىققا 2020 -جىلى شىعادى»، - دەدى حابارلادى وبلىس اكىمىنىڭ باسپا ءسوز قىزمەتى.
ايتا كەتەيىك، كەزدەسۋ كەزىندە «Аltynex Company» ا ق باسشىلىعى تاۋ- كەن ءوندىرۋ كاسىپورنىنا قاجەتتى ينفراقۇرىلىمداردى جەتكىزۋگە كومەك سۇرادى. ءوڭىر باسشىسى بەردىبەك ساپاربايەۆ وبلىس ءۇشىن ماڭىزى بار جوبانى قولدايتىنىن، مەملەكەتتىك باعدارلامالار اياسىندا دا كومەك كورسەتىلەتىنىن جەتكىزدى.
ەسكە سالساق، وسى اپتادا اقتوبە ينۆەستيتسيالىق فورۋم وتەدى. «التىندى» كەن ورنىنا ينۆەستيتسيا سالۋ 2016 -جىلعى ينۆەستيتسيالىق فورۋم كەزىندە شەشىمىن تاۋىپ، مەموراندۋمعا قول قويىلعان بولاتىن. ول كەزدە اقتوبە وبلىسىنىڭ اكىمدىگى مەن «Аltynex Company» ا ق ەكىجاقتى مەموراندۋمعا قول قويدى.
اۆتور: التىناي ساعىندىقوۆا
