كەلەر جىلدىڭ قاڭتارىنان باستاپ جاڭا فورماتتاعى اتاۋلى كومەك ەنگىزىلەدى
دەپ حابارلايدى قازاقپارات.
«100 ناقتى قادام» جوسپارىندا جانە ەلباسىنىڭ بيىلعى جىلعى حالىققا جولداۋىندا بەرگەن تاپسىرمالارىن ورىنداۋ ماقساتىندا 2018 -جىلدان باستاپ ەڭبەك جانە قامسىزداندىرۋ سالاسىندا ءبىرقاتار باعدارلامالار ىسكە اسقالى وتىر. سونىڭ ءبىرى - 2018 -جىلدىڭ قاڭتارىنان ەنگىزىلەتىن جاڭا فورماتتاعى اتاۋلى كومەك. مۇنداعى ەڭ ۇلكەن وزگەرىس از قامتاماسىز ەتىلگەن ازاماتتارعا نەمەسە وتباسىلارعا بەرىلەتىن اتاۋلى الەۋمەتتىك كومەك كەشەندى بولىپ، ول ءوز ىشىندە 3 ءتۇرلى مەملەكەتتىك قولداۋدى قامتىپ وتىر»، - دەدى مينيستر.
ونىڭ ايتۋىنشا، بىرىنشىدەن، ازاماتتارعا نەمەسە وتباسىلارعا بۇگىنگىدەي اقشالاي تولەنەتىن كومەك كورسەتىلەدى. ول اي سايىن نەمەسە الۋشىنىڭ وتىنىشىنە سايكەس 6 ايعا شارتتى تۇردە بەرىلۋى مۇمكىن.
«ەكىنشىدەن جۇمىس جاسىنداعى جانە ەڭبەككە قابىلەتى ازاماتتار مەملەكەت ەسەبىنەن وقۋعا، جاستار تاجىريبەسىنە، الەۋمەتتىك جۇمىس ورىندارىنا جىبەرىلەدى. سونىمەن قاتار ءوز ءىسىن اشۋعا نەمەسە بيزنەسىن كەڭەيتۋگە مۇمكىندىك الادى»، - دەدى تامارا دۇيسەنوۆا.
ءمينيستردىڭ سوزىنە قاراعاندا، ۇشىنشىدەن قاجەتتىلىگىن قاراي مۇمكىندىگى شەكتەۋلى وتباسى مۇشەلەرىنە مەملەكەت تارابىنان كەپىلدەندىرىلگەن اتاۋلى الەۋمەتتىك كومەك كورسەتىلەتىن بولادى.
«جاڭا فورماتتاعى اتاۋلى الەۋمەتتىك كومەكتى ەنگىزۋ ءۇشىن ۇستىمىزدەگى جىلدىڭ 1- شىلدەسىنە دەيىن قاجەتتى نورماتيۆتىك- قۇقىقتىق اكتىلەر مەن اۆتوماتتى تۇردە ەسەپتەيتىن اقپاراتتىق جۇيەلەر تولىق دايىندالىپ، وبلىس، اۋدان جانە قالا اكىمدىكتەرىنە جەتكىزىلدى»، - دەدى ول.
اۆتور: مارلان جيەمباي
