ماڭعىستاۋ وبلىسىندا كەلىندەر سايىسى ءوتتى
ۇلتتىق ءداستۇردى بەرىك ۇستانعان كەلىندەر سالەم سالۋ، ۇلتتىق ءدام مەن سۋسىنداردى ءدامدى دايىنداۋ بويىنشا سىنعا ءتۇستى. بايقاۋ بارىسىندا ءادىل قازىلار القاسى اسىرەسە ولاردىڭ تاعامدى داستارقانعا ۇسىنۋ مادەنيەتىنە باسا ءمان بەردى. قاتىسۋشىلاردىڭ قابىلەتىن كورەرمەن حالىق تا باعالاۋ مۇمكىندىگىنە يە بولدى. جەڭىمپازعا ءۇي تۇرمىسىندا قولدانىلاتىن باعالى سىيلىق تاپسىرىلدى، دەپ حابارلايدى 24 حابار ارناسى.
«سايىستا قازاق كەلىنىنىڭ كيىمىندە بولۋى جانە ەڭ باستى تاعامدارىمىزدىڭ قالاي جاسالۋى، ءدامى مەن تۇرىنە قاراپ داۋىستار، باعالار بەرىلدى. قازاقتىڭ ۇلتتىق كيىمى مەن ىدىستارىمىزعا دەيىن ەسكەرىلدى»، - دەيدى بايقاۋ جەڭىمپازى گۇلزات سالمانوۆا.
«ماقساتىمىز - حالىقتى رۋحاني جانداندىرۋ، ۇلتتىق ءداستۇرىمىزدى ناسيحاتتاۋ. سالاۋاتتى ءومىر سالتىن قالىپتاستىرۋ ماقساتىندا ۇيىمداستىرىپ جاتقان شارا بولىپ ەسەپتەلىنەدى»، - دەيدى مۇنايلى اۋداندىق جۇمىسپەن قامتۋ ءبولىمىنىڭ جەتەكشىسى زاۋرەش نۇربولات.
