ەمدەلىپ جاتىپ تۇرمەگە ءتۇستى
وقيعا رۋدنىي قالاسىندا قازاننىڭ 7 سىنە قاراعان ءتۇنى بولعان، دەپ حابارلايدى Baq.kz اگەنتتىگىنىڭ وڭىردەگى ءتىلشىسى.
«وڭاي ولجانى كوزدەگەن قاسكويلەر ەمدەۋ مەكەمەسىنىڭ كۇزەتشىسىن جابىلىپ اياۋسىز سوققىعا جىعىپ، «LG» ۇيالى تەلەفونى مەن قالتاسىنداعى 43 مىڭ تەڭگەسىن قولدى قىلعان. وسىدان كەيىن ولار جاساعان قىلمىستارىن جاسىرۋ ءۇشىن اۋرۋحانادان شىعىپ، بەلگىسىز جاققا قاراي قاشىپ كەتكەن. اۋىر سوققى العان كۇزەتشى ەسىن جيناپ، ءتارتىپ ساقشىلارىنا حابارلاسقاندا ارادا ءبىراز ۋاقىت ءوتىپ كەتكەن. ءبىراق پوليتسەيلەردىڭ جەدەل جۇرگىزگەن شارالارىنىڭ ارقاسىندا قىلمىسكەرلەر قالا اۋماعىنان تىسقارى اۋماقتا تۇتقىندالدى» ، - دەيدى وبلىستىق ءى ءى د باسپا ءسوز حاتشىسى يرينا بەجەنار.
كۇدىكتىلەر قوستاناي قالاسى مەن تاران اۋدانى اۋماعىندا قولعا تۇسكەن. قازىرگى تاڭدا ەم الىپ جاتىپ ءىستى بولعان ناۋقاستار رۋدنىي قالاسىنداعى ۋاقىتشا ۇستاۋ اباقتىسىندا قاماۋدا وتىر. ۇرلانعان زاتتار يەسىنە قايتارىلدى.
مەشىت عازيز
