لاتىن الىپبيىندە الىپ تاستالعان كەيبىر ارىپتەردى قالدىرۋ قاجەت - قۋات دومباي
سەبەبى وعان حالىقتىڭ كوزى ابدەن ۇيرەنگەن، دەپ حابارلايدى قازاقپارات ءتىلشىسى.
«مەنىڭشە، «W» ءارپىن قالدىرۋ قاجەت. سەبەبى ول كەز كەلگەن پەرنەتاقتادا بار. سوسىن فونەتيكا جاعىنان اتالعان ءارىپ ءبىزدىڭ «ۇ» دەگەن ارپىمىزگە سايكەس كەلەدى. ال «ۋ» - نى «U» (پرەزيدەنتكە كورسەتىلگەن كەشەگى نۇسقادا سلاۆيانشا «У» - دى لاتىنشادا «Ү'» مەن «у'» دەپ بەرگەن - اۆت) دەپ قالدىرعان ءجون. بۇدان بولەك، «Sh»، «Ch» جانە «Ng» دەگەن ءۇش ديگرافتاردى قالدىرۋعا بولادى. الدىنداعى ەكەۋىنە كوزىمىز ابدەن ۇيرەندى. كەشەگى نۇسقادا ول ەكەۋىن «С'» پەن «S'» دەپ جازعان. ولاي جازساق، قازاقتىڭ كەيبىر سوزدەرىندە اپوستروف قاپتاپ كەتەدى. ال «Ng» فرانسۋز بەن اعىلشىن تىلدەرى تۇرعىسىنان «ڭ» بولىپ جاقسى قابىلدانادى»، - دەدى دومباي قازاقپارات تىلشىسىنە بەرگەن سۇحباتىندا.
ماماننىڭ سوزىنە قاراعاندا، لاتىن الىپبيىنە قاتىستى ۇسىنىستار قاشان دا كوپ بولادى. سوندىقتان ونى تەزدەتىپ ەنگىزگەن ءجون. كۇنى كەشە ءبىر نۇسقانى پرەزيدەنتكە كورسەتكەننىڭ ءوزى وسى سالاداعى جۇمىستى تەزدەتىپ اتقارۋدىڭ كورىنىسى بولسا كەرەك. «20 -جىلدارى لاتىن الىپبيىنە ءبىر جىلدىڭ ىشىندە كوشتى. 40 -جىلدارى دا سولاي بولدى. قازىر ودان دا وڭاي. سەبەبى باسپا ماشينكالارىن وزگەرتۋدىڭ قاجەتى جوق. كومپيۋتەر بار، پەرنەتاقتا بار. ءقازىر ناقتى ءبىر نۇسقانى قابىلداپ، ناقتى ءبىر باعىتقا تۇسسەك، كەمشىن تۇستارىن جول-جونەكەي دە تۇزەتۋگە بولادى ال لاتىن ءالىپبيىن قولدانۋ جاعىنان قيىندىق بولماۋى ءتيىس. سەبەبى جاستار ءۇشىن لاتىن ارىپتەرى تاڭسىق ەمەس. ءيا، ۇلكەن كىسىلەر ءۇشىن اۋىر بولادى. دەگەنمەن، لاتىن ءالىپبيىنىڭ بولاشاق ءۇشىن، قازىرگى جاستار ءۇشىن ەنگىزىلىپ جاتقانىن ۇمىتپاۋ قاجەت»، - دەپ اتاپ كورسەتتى قۋات دومباي.
