ق ر ۇكىمەت باسشىسى بوزىمبايەۆقا سوگىس بەرۋ ءۇشىن ەلباسىنا ۇسىنىسحات جولدايدى
ۇكىمەت باسشىسى مامىر ايىندا پاۆلودارداعى مۇناي- حيميا زاۋىتىن اعىمدىق جوندەۋ جۇمىستارى كوكتەمنەن كۇزگە اۋىساتىندىعى تۋرالى حات جازىلعاندىعىن، سوندىقتان ەندىگى ۋاقىتتا بەنزين تاپشىلىعىنا قاتىستى باعام ايىرماسى، كورشى ەلدەردەگى جوعارى باعا، يمپورت ۇلەسىنىڭ ارتۋى سىندى سىلتاۋلاردى قابىلداي المايتىندىعىن باسا ايتتى.
«ەرتەرەكتە بىزدە باعا جوعارى بولعاندىقتان رەسەيگە كەتەدى دەسەك، ەندى رەسەيدەگى باعا جوعارى بولعاندىقتان «كولەڭكەدە» ساتىلۋدا دەيمىز. ياعني، ۇنەمى سىلتاۋ ايتەۋىر. سوندىقتان مەن مۇنىمەن كەلىسە المايمىن. مۇنىڭ بارلىعىن سىلتاۋ جانە ءوزىنىڭ تىكەلەي لاۋازىمدىق مىندەتىنەن جالتارۋ دەپ باعالايمىن. بۇل ءۇشىن جاۋاپكەرشىلىك بولۋى ءتيىس. سوندىقتان دا مەن كەلەسى شەشىم قابىلدايمىن. بىرىنشىدەن، ۇكىمەت مۇشەلەرىنە ىقپال ەتۋ تارتىپتىك جازالارىن ەل پرەزيدەنتى قابىلدايتىن بولعاندىقتان مەن بۇگىن مەملەكەت باسشىسىنىڭ اتىنا ەنەرگەتيكا ءمينيسترى قانات الدابەرگەن ۇلى بوزىمبايەۆقا سوگىس جاريالاۋ تۋرالى ۇسىنىسحات ەنگىزەمىن»، - دەدى باقىتجان ساعىنتايەۆ.
