08:38, 10 - قازان 2017 | GMT +5
پاركتەگى جۇزدەن اسا بەگەموت قىرىلىپ قالدى
استانا. قازاقپارات - افريكاداعى ناميبيا ەلىنىڭ «بۆابۆاتا» ۇلتتىق پاركىندە بەگەموتتار قىرىلىپ جاتىر، دەپ حابارلايدى Namibian.
بەگەموتتاردىڭ قىرىلۋىنا ءسىبىر جاراسىنىڭ وشاعى تۇرتكى بولعان. سۋ جانۋارلارىنىڭ جاپپاي ولە باستاۋ وقيعاسى وتكەن اپتادا بايقالعان. الايدا اپتا ىشىندە ءسىبىر جاراسىنان 109 بەگەموت ءولىپ قالعان.
«ءبىز جانۋارلاردىڭ ءولۋ فاكتىسى ءسىبىر جاراسى وشاعىمەن بايلانىستى دەپ بولجام جاساۋدامىز، الايدا ۆەتەرينارلار ءالى ناقتى شەشىم ايتقان جوق»، - دەيدى پارك اكىمشىلىگى.
باسىلىمنىڭ حابارلاۋىنا قاراعاندا، ۇلتتىق پاركتە بۇعان ۇقسايتىن وقيعالار ءجيى بولىپ تۇرادى.
