اكە- شەشەسى اجىراسقان بالالاردىڭ نەكەسى بەرىك بولمايدى - ا ق ش عالىمدارى

استانا. قازاقپارات - ا ق ش- تاعى ۆيردجينيا شتاتى ۋنيۆەرسيتەتىنىڭ ماماندارى اتا-انالاردىڭ اجىراسۋ وقيعاسى ونىڭ بالالارىنا مىندەتتى تۇردە ىقپال ەتەدى دەپ تۇجىرىمدايدى.

ياعني، اجىراسقان وتباسىنان شىققان بالالاردىڭ دا نەكەسى ۇزاققا بارماۋى ابدەن مۇمكىن. بۇل تۋرالى news.vcu.edu پورتالى حابارلايدى.

زەرتتەۋ بارىسىندا، اجىراسقان اتا- انالاردىڭ بالالارى بۇل جاعدايدى وتە اۋىر قابىلداپ، وزدەرى دە وسىنداي جاعدايعا پسيحولوگيالىق تۇرعىدان بەيىم تۇراتىندىعى انىقتالدى.

عالىمدار اجىراسۋدىڭ گەنەتيكالىق جاقىندىعىن بىرنەشە فاكتور ارقىلى ءتۇسىندىردى. ولاردىڭ اراسىندا گەنەتيكالىق ەرەكشەلىكتەر مەن الەۋمەتتىك فاكتورلار بار. اتا-انانىڭ نەگاتيۆتى ارەكەتتەرى ولاردىڭ بالالارىنىڭ نەكەسىنە قاتتى اسەر ەتىپ، بۇزىلۋىنا بىردەن- ءبىر سەبەپكەر بولادى.

ايتا كەتەيىك، ا ق ش عالىمدارىنىڭ بۇل تۇجىرىمىن شۆەتسيادا جۇرگىزىلگەن زەرتتەۋ دە راستاپ وتىر. شۆەدتىك عالىمداردىڭ پىكىرى دە امەريكاندىقتارمەن ۇندەس شىقتى.