و ق و- دا «تۋعان جەر- التىن بەسىگىم» وبلىستىق فەستيۆالى ءوتتى - فوتو

شىمكەنت. قازاقپارات - وڭتۇستىك قازاقستان وبلىسىندا سوزاق اۋدانىنىڭ «تۋعان جەر- التىن بەسىگىم» وبلىستىق فەستيۆالى ءوتتى. وبلىس اكىمدىگى مەن مادەنيەت باسقارماسى، مادەنيەت جانە حالىق شىعارماشىلىعى ورتالىعىنىڭ ۇيىمداستىرۋىمەن وتكەن شارا ءوڭىردىڭ دارىندى جاستارى مەن ەلگە تانىمال جۇلدىزدارىنىڭ قاتىسۋىمەن وتكەن گالا- كونسەرتكە ۇلاستى،

 دەپ حابارلايدى قازاقپارات ءتىلشىسى.  

ەلباسى ن. نازاربايەۆتىڭ «بولاشاققا باعدار: رۋحاني جاڭعىرۋ» ماقالاسىنداعى «تۋعان جەر» باعدارلاماسىن جۇزەگە اسىرۋ مەن وڭتۇستىك قازاقستان وبلىسىنىڭ 85 جىلدىعىنا وراي ۇيىمداستىرىلعان فەستيۆالعا ءوڭىردىڭ تالانتتى جاستارى قاتىستى.

 «تۋعان جەر - التىن بەسىگىم» اتتى مادەنيەت كۇنى اياسىندا وتكەن ءىس- شارالار باعدارلاماسى اۋدان باسشىسى سالىحان پولاتوۆتىڭ قاتىسۋىمەن وتكەن باسپا ءسوز كونفەرەنسياسىنان باستاۋ الىپ، «سوزاق - جىر، سوزاق - ءسوز، سوزاق - ونەر» كونسەرتىمەن جالعاسىن تاپتى. سوزاق حالىق جانە وبلىستىق ءازىل- سىقاق جانە ساتيرا تەاترلارىنىڭ ارتىستەرى بىرلەسىپ قويعان نۇرعالي ورازدىڭ «اداسقان جۇلدىز» قويىلىمى ەل ىقىلاسىنا بولەندى.

 ال، «وتىرار» وبلىستىق عىلىمي- امبەباپ كىتاپحاناسىندا قازاق اقىنى، جۋرناليست، قازاقستان جازۋشىلار وداعىنىڭ مۇشەسى، ق ر مادەنيەت قايراتكەرى تورەعالي تاشەنوۆپەن كەزدەسۋ ءوتتى. بۇدان بولەك، «تەرىسكەي تارتۋى» اۋىلشارۋاشىلىق ونىمدەرىنىڭ جارمەڭكەسى ۇيىمداستىرىلىپ، ەت، ءسۇت، كوكونىس، جەمىس- جيدەك پەن اۋدان كاسىپكەرلەرىنىڭ قولونەر بۇيىمدارى ارزان باعادا ساتىلدى. شارا «ءشامشى الەمى» گۇلزارىندا 700-دەن اسا اۋداندىق قولونەر، قىلقالام شەبەرلەرىنىڭ جادىگەرلەرى جانە كىتاپ كورمەسىن تاماشالاۋمەن جالعاسىن تاپتى. سونىمەن قاتار، اۋداننىڭ الەۋمەتتىك- ەكونوميكالىق دامۋىن كورسەتەتىن بەينە كورسەتىلىمدەر بەرىلىپ، ۇلتتىق سپورتتىق ويىنداردا كەڭىنەن ناسيحاتتالدى. كەشكىسىن تانىمال انشىلەر مەن سوزاق ونەرپازدارىنىڭ قاتىسۋىمەن گالا- كونسەرت ۇيىمداستىرىلىپ، جاندى داۋىستاعى اندەر مەن مىڭ بۇرالعان بيشىلەر قالا جۇرتشىلىعىن ءتانتى ەتتى.

 اۆتور: اينۇر اقبايەۆا