قازاقستاندىق تەلەباعدارلامالار قىتاي جانە وڭتۇستىك شىعىس ازيادا تانىمالدىلىققا يە

استانا. قازاقپارات - قىتاي جانە وڭتۇستىك شىعىس ازيا ەلدەرىندە كورسەتىلەتىن قازاقستاندىق باعدارلامالار تانىمال بولا باستادى، دەدى ق ر اقپارات جانە كوممۋنيكاتسيالار ۆيتسە- ءمينيسترى الان اجىبايەۆ ورتالىق كوممۋنيكاتسيالار قىزمەتىندە وتكەن باسپا ءسوز كونفەرەنسياسىندا، دەپ حابارلايدى «قازاقپارات» ح ا ا ءتىلشىسى.

 «Astana Media week» شاراسىنا شەتەلدىك قوناقتاردىڭ كەلۋى ءبىزدىڭ كونتەنتىمىزگە قىزىعۋشىلىقتىڭ بار ەكەنىن بىلدىرەدى. ءبىزدىڭ تەلەارنالارىمىزدان بەرىلەتىن قازاقستاندىق كونتەنتتىڭ ءبىرقاتار ازيا مەملەكەتتەرىندە تانىلۋىنا العاشقى قادام جاسالدى. ماسەلەن، قىتاي جانە وڭتۇستىك شىعىس ازيادا قازاقستاندىق جوبالار ءبىرشاما تانىمالدىلىققا يە»، - دەدى ۆيتسە- مينيستر.

 ول سونداي- اق، بۇقارالىق اقپارات قۇرالدارى نارىعى - بارىنەن بۇرىن قازاقستاندىق پروديۋسەرلەر مەن پروداكشن- كومپانيالار عانا ەمەس، شەتەلدىك كومپانيالاردى دا تارتۋ بولىپ سانالاتىندىعىن ايتتى.

 «ك م و الاڭى بارلىق تەلەارنالار مەن شەتەلدىك قوناقتارعا اشىق. بىزگە بۇنىڭ باستالۋى ماڭىزدى ەكەنىن ايتقىم كەلەدى. ءبىز «Astana Media week» شاراسى ەلىمىزدە تۇراتىن جاڭا تالانتتارعا جول اشادى دەپ سەنەمىز»، - دەدى ا. اجىبايەۆ.

قازىرگى ۋاقىتتا «قازمەديا ورتالىعىندا» باتىس كومپانيالارى جۇمىس ىستەپ جاتىر. مۇندا تىلشىلىك نىساندار اشىلىپ، مەديا سالاسىنا بايلانىستى كەز- كەلگەن قىزمەت تۇرلەرىنىڭ جۇمىسى قۇرىلعان. استانا ورتالىق ازيا، ءتىپتى وڭتۇستىك شىعىس ازيانىڭ وڭىرلىك حابىنا اينالادى دەپ سەنەمىز.

ايتا كەتەيىك، ق ر اقپارات جانە كوممۋنيكاتسيالار مينيسترلىگىنىڭ تاپسىرىسىمەن «قازمەديا» ورتالىعى ۇيىمداستىرعان قازاقستاندىق مەديا- اپتالىق «Astana Media week» 2017 -جىلدىڭ 4-6 - قازانى كۇندەرى «قازمەديا» ورتالىعى حالىقارالىق مەديا حاب اۋماعىندا وتكىزىلگەن بولاتىن. مەديا- اپتالىق 2 مىڭنان استام قاتىسۋشىنىڭ جانە ۇيىمداستىرىلعان 10 شارا اياسىنداعى 103 سپيكەردىڭ باسىن قوستى.