قازاقستاننىڭ وڭىرلەرىندە ايماقتىق اۋە ۇشاقتارى جەتىسپەيدى

استانا. قازاقپارات - ق ر  ي د م ازاماتتىق اۆياتسيا كوميتەتى ءتوراعاسى ورىنباسارىنىڭ مىندەتىن اتقارۋشى توتى ءامىروۆا اۋە كەمەلەرىنىڭ قانداي ءتۇرى قازاقستاننىڭ وڭىرلەرىنە جەتىسپەيتىنىن اتاپ ءوتتى، دەپ حابارلايدى «قازاقپارات» ح ا ا ءتىلشىسى.

 توتى ءامىروۆانىڭ ايتۋىنشا، جوعارعى ءارى جەڭىل اۆياتسيادا ۇشاقتاردىڭ جەتىسپەۋشىلىگى سەزىلمەيدى. «جوعارعى ءارى جەڭىل اۆياتسيادا ۇشاقتاردىڭ سانى ايتارلىقتاي ارتىپ كەلەدى. ەگەر رومان ۆاسيليەۆيچ (ق ر  ي د م ۆيتسە- ءمينيسترى - اۆت.) وسى اۆياتسياداعى ۇشاقتاردىڭ سانى وتكەن جىلى 602 بولعانىن اتاپ وتسە، بيىل ولاردىڭ سانى 662-گە جەتتى. دەمەك، ايتارلىقتاي تەز ارتىپ كەلەدى»، - دەيدى توتى ءامىروۆا.

الايدا توتى ءامىروۆا ءوز سوزىندە ايماقتىق اۋە كەمەلەرىنىڭ سانى از ەكەنىن جەتكىزدى. «قازاقستاندا ايماقتىق اۋە كەمەلەرىنىڭ جەتىسپەۋشىلىگى سەزىلەدى. وبلىس ورتالىقتارىنان حابارلاسىپ جاتقاندا جانە 15-20 شاقتى جولاۋشىنى تاسىمالداعان كەزدە ايماقتىق اۋە كەمەلەرى كەرەك بولىپ جاتادى»، - دەيدى توتى ءامىروۆا.

ەسكە سالا كەتسەك، ق ر  ي د م ازاماتتىق اۆياتسيا كوميتەتى ءتوراعاسى ورىنباسارىنىڭ مىندەتىن اتقارۋشى قازاقستاندا ا ن-28 ۇشاعىنان بار- جوعى جەتەۋى عانا قالعانىن ءمالىم ەتكەن بولاتىن.

 اۆتور: ايان بەكەن ۇلى