قازاقستاندا پاتەنتپەن جۇمىس جاسايتىندارعا سالىق جەڭىلدىگى بولۋى مۇمكىن

الماتى. قازاقپارات - بۇگىن الماتىدا وتكەن سەمينار بارىسىندا ماماندار جاڭا سالىق كودەكسىنىڭ نورمالارىن ءتۇسىندىردى، دەپ حابارلايدى قازاقپارات ءتىلشىسى.

جيىنعا ق ر ۇلتتىق ەكونوميكا مينيسترلىگىنىڭ، ق ر قارجى مينيسترلىگىنىڭ مەملەكەتتىك كىرىستەر دەپارتامەنتىنىڭ، قازاقستان سالىق تولەۋشىلەر قاۋىمداستىعىنىڭ وكىلدەرى قاتىستى. جاڭا سالىق كودەكسىنىڭ جوباسى بويىنشا پاتەنتپەن جۇمىس جاسايتىن كاسىپكەرلەرگە ارنايى سالىق رەجيمىن جاساۋ كوزدەلگەن.

ماسەلەن مۇنداي كاسىپكەرلەرگە سالىناتىن سالىق 2 پايىزدان 1 پايىزعا ازايدى. سونىمەن قاتار، جاڭا زاڭناما بويىنشا تالاپ قويۋ مەرزىمى 3 جىلدان اسقان جاعدايدا سالىقتىق قۋدالاۋدى توقتاتۋ ۇسىنىلىپ وتىر. سونىمەن قاتار، 30 ادامعا جۇمىس بەرىپ وتىرعان نەمەسە جارتىجىلدىق اينالىمى 2044 ا ە ك اسپايتىن جەكە كاسىپكەرلەر مەن زاڭدى تۇلعالارعا جەڭىلدەتىلگەن دەكلاراتسيا نەگىزىندە ارنايى سالىقتىق رەجيم جاساۋ ۇسىنىلدى.

 اۆتور: گۇلميرا عوسمانالي