اقىلدى بولۋ انادان
سونىڭ ىشىندە زياتكەرلىك (ينتەللەكت) گەندەرى تەك Х حروموسومالاردان تابىلعان. ياعني، اقىلدى ادامنىڭ گەنى اناسىنىڭ گەنىمەن تىعىز بايلانىستى. اناسىنىڭ گەنىندەگى اقپارات دومينانتتى (باسىم) بولعان جاعدايدا، بالانىڭ مي ولشەمى ۇلكەن بولاتىنى انىقتالعان. جاسۋشادا ەمبريوننىڭ قالىپتاسۋ ءۇردىسى كەزىندە اكەنىڭ گەنى ونىڭ امان- ەسەن جەتىلۋى ءۇشىن كەرەك بولادى. ول گەندەر كومكەرمە (ليمبيكالىق) مي جۇيەسىمەن تىعىز بايلانىستا بولىپ، اشۋ، اشتىق جانە جىنىستىق جەتىلۋگە جاۋاپ بەرەدى. ءبىر قىزىعى، زەرتتەۋشىلەر ميدىڭ ماڭىزدى ايماقتارىنان اكەنىڭ گەنىن تابا الماعان. اسىرەسە، ويلاۋ، زەيىن، جوسپارلاۋ ءارى قابىلەتكە يكەمدىلىك قىزمەتىنە جاۋاپتى گەندەردە مۇلدە بولماعان. دەگەنمەن، اقىل- وي قابىلەتى تولىققاندى گەنەتيكامەن بايلانىستى دەگەن تۇجىرىم دا قاتە.
كەي زەرتتەۋشىلەر بالالاردى فيزيكالىق ءارى ەموتسيالىق تاربيەلەۋدە انانىڭ ءرولى ەرەكشە ەكەنىن اتاپ ءوتتى. ياعني، بالا مەن انا اراسىنداعى قارىم- قاتىناس كوپ جاعدايدا ونىڭ زەيىنىنە اسەر ەتەدى. اناسىمەن بەرىك قارىم- قاتىناس ورناتقان بالالار ءوز ماقساتىنا جەتۋ ءۇشىن تىڭباي ەڭبەك ەتەتىنى، قيىن ماسەلەلەردىڭ شەشىمىن تابۋ بارىسىندا كۇيزەلىسكە ەركىن توتەپ بەرەتىنى انىقتالعان. گەنەتيكاداعى كورسەتىلگەن اقپاراتقا قاراماستان، اكەنىڭ بەرەرى دە مول. بالا ءارقاشان اكەسىنە ەلىكتەيدى. زياتكەرلىك ولشەمى قانشا جەردەن ماڭىزدى بولسا دا، ءومىرىمىزدى تۇبەگەيلى وزگەرتەتىن فاكتورلاردىڭ قاتارىنا جاتپايتىنىن ەسكەرگەن ءجون.
Massaget.kz
