باقىتجان ساعىنتايەۆ قىرعىزستان پرەزيدەنتىنىڭ سوزىنە وراي مالىمدەمە جاسادى
مالىمدەمەدە سايلاۋالدى ماقساتىندا جاسالعان قىرعىزستان پرەزيدەنتىنىڭ جالعان ءارى ارانداتۋشىلىق سوزدەرى باۋىرلاس ەلدەردىڭ اراسىنداعى سان عاسىرلىق دوستىق پەن ءوزارا كومەككە زالالىن تيگىزبەۋى ءتيىس. مالىمدەمەدە كەلتىرىلگەن مالىمەتتەرگە سايكەس، تاۋەلسىزدىك جىلدارىنىڭ ىشىندە قازاقستان ەكونوميكاسى 20 ەسە ءوستى. وسى جىلداردىڭ ىشىندە ەلىمىزدىڭ ەكونوميكاسىنا تارتىلعان تىكەلەي شەتەلدىك ينۆەستيتسيانىڭ جالپى كولەمى 265 ميلليارد ا ق ش دوللارىن قۇرادى.
«ەلىمىزدىڭ تاۋەلسىزدىك جىلدارى ىشىندە 1,1 ميلليوننان استام قازاقستاندىق وتباسى پاتەرمەن قامتاماسىز ەتىلىپ، 61 مىڭنان استام وتباسى ءوزىنىڭ باسپانا جاعدايىن جاقسارتتى. جىل سايىن ورتاشا ەسەپپەن 270 مىڭ جاڭا جۇمىس ورنى قۇرىلادى. ەلىمىزدە ورتاشا ءومىر ءسۇرۋ ۇزاقتىعى 72,3 جاسقا دەيىن ۇزاردى»، - دەلىنگەن مالىمدەمەدە.
سونىمەن قاتار وندا سوڭعى 15 جىلدا قازاقستانداعى ورتاشا جالاقى مەن زەينەتاقى 10 ەسەدەن استامعا وسكەنى اتالىپ وتىلگەن. حالىقارالىق زەينەتاقى جانە الەۋمەتتىك قورلار قاۋىمداستىعىنىڭ رەسمي مالىمەتىنشە، قازاقستانداعى ەڭ تومەنگى جانە ورتاشا زەينەتاقى مولشەرى قىرعىزستاننان سايكەسىنشە 5 جانە 3 ەسە عانا جوعارى. ەكونوميكاداعى تۇراقتى دامۋ، ەلدىڭ ج ءى ءو- ءسىنىڭ تۇراقتى دامۋى قازاقستانعا سەرىكتەس ەلدەردە كومەكتىڭ بارلىق ءتۇرىن كورسەتۋگە مۇمكىندىك بەرەدى.
قازاقستان قىرعىز رەسپۋبليكاسىمەن 1997 -جىلدىڭ 8 - ساۋىرىندەگى ماڭگىلىك دوستىق تۋرالى شارت پەن 2003 -جىلعى 25 - جەلتوقسانداعى وداقتاستىق قارىم- قاتىناس تۋرالى شارت رۋحىندا باۋىرلاستىق جانە دوستىق بايلانىستاردى نىعايتۋ ساياساتىن مۇلتىكسىز جالعاستىرادى. «قازاقستان وسى جىلداردىڭ ىشىندە بارلىق ۋاقىتتا، اسىرەسە قيىن ساتتەردە قىرعىز حالقىمەن بىرگە بولدى، قىرعىزستان باسشىلىعىنىڭ وتىنىشتەرىنە تۇسىنىستىكپەن قاراپ، قاجەتتى الەۋمەتتىك- ەكونوميكالىق پروبلەمالاردى شەشۋگە بارىنشا جاردەم بەردى جانە ەنەرگيا تاسىمالداۋ ازىق- تۇلىك جانە وزگە دە الەۋمەتتىك ماڭىزدى تاۋارلاردى قوسا العاندا ايتارلىقتاي گۋمانيتارلىق كومەك كورسەتتى»، - دەلىنگەن مالىمدەمەدە.
سونىمەن قاتار قىرعىزستاننىڭ ەۋرازيالىق ەكونوميكالىق وداققا كىرۋى اياسىندا قازاقستان پرەزيدەنتى 100 ميلليون دوللار كولەمىندە تەحيكالىق كومەك كورسەتۋ تۋرالى شەشىم قابىلداعاندىعى اتالىپ وتىلگەن. مۇنان باسقا، قازىردىڭ وزىندە گۋمانيتارلىق كومەك باعىتىندا 20 ميلليون دوللار ءبولىنىپ، بىشكەك پەن وشتا 2 جالپى ءبىلىم بەرۋ مەكتەبى سالىنعان. قىرعىزستان ەكونوميكاسىنا سالىنعان قازاقستاندىق ينۆەستيتسيا كولەمى 820 ميلليون دوللاردى قۇرايدى. سونىڭ ارقاسىندا مىڭداعان قىرعىزستاندىق جۇمىس ورنىمەن قامتاماسىز ەتىلىپ وتىر.
مالىمدەمەنىڭ سوڭىندا: «قىرعىزستان پرەزيدەنتى ا. اتامبايەۆتىڭ بىرنەشە الاياقتىق ارەكەتىنە قاراماستان قازاقستان رەسپۋبليكاسىنىڭ ۇكىمەتى قازاق- قىرعىز ستراتەگيالىق سەرىكتەستىگى مەن ىنتىماقتاستىعىن بەلسەندى تەرەڭدەتۋگە جانە كەڭەيتۋگە نيەتتى»، - دەلىنگەن.
مالىمدەمەنىڭ تولىق ءماتىنى ق ر پرەمەر- ءمينيسترىنىڭ سايتىندا جاريا ەتىلگەن.
اۆتور: مارلان جيەمباي
