ەلباسىنا لاتىن قارپىندەگى ءالىپبيدىڭ جوباسى تانىستىرىلدى

استانا. قازاقپارات - مەملەكەت باسشىسى نۇرسۇلتان نازاربايەۆ مەملەكەتتىك ءتىلدى لاتىن الىپبيىنە كوشىرۋ جوباسى بويىنشا جۇمىس اتقارىپ جاتقان جۇمىس توبىنىڭ مۇشەلەرىن قابىلدادى،

 دەپ حابارلايدى «قازاقپارات» ح ا ا ءتىلشىسى اقوردانىڭ رەسمي سايتىنا سىلتەمە جاساپ.

 وتىرىس بارىسىندا مەملەكەت باسشىسىنا لاتىن ارىپتەرى تۇرىندەگى قازاق ءالىپبيىنىڭ قوعامدىق تالقىلاۋ كەزىندەگى ۇسىنىستاردى ەسكەرە وتىرىپ ازىرلەنگەن ءبىرىڭعاي ستاندارتتى جوباسى تانىستىرىلدى. قازاقستان پرەزيدەنتى مەملەكەتتىك ءتىلدىڭ رەفورماسى قوعامدىق سانانى جاڭعىرتۋ باعدارلاماسىنداعى ماڭىزدى سۇراقتاردىڭ ءبىرى ەكەنىن اتاپ ءوتتى.

«وسى كۇندەرى قازاق ءتىلىنىڭ جاڭا الفاۆيتىنە قاتىستى ساۋال كوپتىڭ تالقىسىنا ءتۇسىپ جاتىر. كوپتەگەن ادامدار وسى جۇمىسقا ارالاستى. لاتىن الىپبيىنە كوشۋ تۋرالى يدەيا سوناۋ تاۋەلسىزدىك العان جىلدارى تۋعان ەدى. قازاق ءتىلىن لاتىن الىپبيىنە كوشىرۋ تۋرالى جۇمىس مەنىڭ ەرەكشە باقىلاۋىمدا بولاتىن»، - دەدى نۇرسۇلتان نازاربايەۆ.

سونىمەن قاتار، مەملەكەت باسشىسى لاتىن الىپبيىنە كوشۋ پروتسەسىنىڭ تاريحي ماڭىزعا يە ەكەندىگىن جەتكىزىپ، بۇل ماسەلە بويىنشا ۇيلەسىمدى شەشىمگە كەلۋ كەرەكتىگىن ءمالىم ەتتى.

«الەمدە ەشبىر ەل ءوزىنىڭ جاڭا ءالىپبيىن بارشا حالقىمەن ورتاق تالقىعا سالعان ەمەس. بىزگە ءاربىر ادامنىڭ ويىن ءبىلۋ ماڭىزدى. لاتىن الىپبيىنە كوشۋ تۋراسىندا پرەزيدەنت اكىمشىلىگىنە 300 دەن استام ۇسىنىس كەلىپ ءتۇستى. جاستاردىڭ بۇل پروتسەستى قولداعانى قۋانتادى»، - دەيدى قازاقستان پرەزيدەنتى.

نۇرسۇلتان نازاربايەۆ ءوز سوزىندە قوعامدىق بىرلەستىكتەر مەن عىلىمي ورتا، تۇتاس قوعامنىڭ جاڭا الفاۆيتتى تالقىلاۋعا بەلسەندى تۇردە ارالاسقانىنا نازار اۋداردى. كەزدەسۋ بارىسىندا اتقارىلعان جۇمىستار تۋرالى مەملەكەت باسشىسىنا ا. بايتۇرسىنوۆ اتىنداعى ءتىل ءبىلىم ينستيتۋتىنىڭ ديرەكتورى، پروفەسسور ەردەن قاجىبەك پەن شايسۇلتان شاياحمەتوۆ اتىنداعى تىلدەردى دامىتۋ رەسپۋبليكالىق ورتالىعىنىڭ ديرەكتورى ەربول تىلەشوۆ باياندادى.

 ولاردىڭ باياندامالارىن تىڭداعان مەملەكەت باسشىسى ەرەكشە ماڭىز بەرەتىن تۇستاردى ۇمىتپاۋدى تاپسىردى. «جالپى اتقارىلعان جۇمىستاردىڭ نەگىزگى باعىتتارىمەن كەلىسەمىن. جوبانى جۇزەگە اسىرۋ بارىسىندا الەمدىك تاجىريبە ەسەپكە الىندى. بۇل وتە ماڭىزدى. سونىمەن بىرگە، قازاق الفاۆيتىنىڭ لاتىن الىپبيىنە كوشىرۋ تۋرالى اقپاراتتىق- تۇسىندىرمە جۇمىستارىن جالعاستىرعان ابزال»، - دەدى مەملەكەت باسشىسى.

اۆتور: ايان بەكەن ۇلى