عالىمدار قىزمەتتە وسۋگە وسەكتىڭ قانداي كومەگى بار ەكەنىن ايتتى

استانا. قازاقپارات - ايەلدەر دە، ەرلەر دە وسەك ايتادى، تەك مۇنى ولار ءار ءتۇرلى جولمەن جاسايدى. بۇعان قوسا، نازىك جاندار وسەكتەن كوبىرەك راقات تابادى.

 وتتاۆا ۋنيۆەرسيتەتىنىڭ زەرتتەۋشىلەرى ساۋالناما جۇرگىزىپ، وسىنداي قورىتىندىعا كەلدى، دەپ حابارلايدى Baq.kz اقپارات اگەنتتىگى life.ru باسىلىمىنا سىلتەمە جاساپ.

ساۋالناماعا 17 مەن 30 جاس ارالىعىنداعى 290 ستۋدەنت قاتىسقان.

زەرتتەۋ ناتيجەسىندە الىنعان مالىمەتتەر بويىنشا، وسەك - جوعارى دامىعان الەۋمەتتىك ماشىق جانە ادامدارمەن قارىم- قاتىناس ورناتۋ ءۇشىن قاجەت. وسەكشىلەر ادامنىڭ مىنەزىن جاقسى تانىپ بىلەدى، سوندىقتان ونىڭ سەنىمىنە دە تەز كىرەدى. ويتكەنى ءوز باسىنىڭ پايداسىنا قاجەتتى اقپاراتتاردى ءجيى الادى.

«وسەك - جامان ادەت ەمەس، كەرىسىنشە ادامدارمەن بايلانىس ورناتۋ ءۇشىن قاجەتتى الەۋمەتتىك ماشىق» ، - دەيدى زەرتتەۋ جەتەكشىسى ادام دەۆيس.

عالىمداردىڭ ايتۋىنشا، ايەلدەر تانىستارىنىڭ سىرتقى كەلبەتىن تالقىلاعاندى ۇناتسا، ەر ادامدار باسەكەلەستەرىنىڭ بايلىعى مەن سپورتتىق جەتىستىكتەرى تۋرالى وسەك ايتادى ەكەن.

بۇعان قوسا، زەرتتەۋ بارىسىندا قوعامدا قالىپتاسقان ستەرەوتيپ تاعى ءبىر مارتە دالەلدەندى: قىزدار، ەر ادامدارعا قاراعاندا، وسەككە كوپ ۋاقىتىن جۇمسايدى جانە ودان كوبىرەك راقات تابادى.