ناسا جەردى استەرويدتاردان قورعاۋ جۇيەسىن سىناقتان وتكىزەدى

 استانا. قازاقپارات - عالىمدار وسى اپتادا جەرگە جاقىندايتىن استەريودتىڭ قوزعالىس جولىن ناقتى ەسەپتەپ، مۇنىڭ قانشا ۋاقىت الاتىنىن انىقتاۋعا تىرىسادى.

بۇل تۋرالى  Baq.kz اقپارات اگەنتتىگى life.ru باسىلىمىنا سىلتەمە جاساپ.

12 - قازاندا 2012 TC4 استەريودى جەرگە ەداۋىر جاقىن ارالىقتا ۇشىپ وتەدى. عالىمداردىڭ ايتۋىنشا، كولەمى 20 مەترلىك اسپان دەنەسى پلانەتامىزدان نەبارى 6500 شاقىرىم قاشىقتىقتا بولادى. بۇل حالىقارالىق عارىش ستانتسياسىنا قاراعاندا جەردەن 20 ەسە عانا الىس.

دەسەك تە، NASA نىڭ حابارلاۋى بويىنشا، جەر شارىنىڭ تۇرعىندارىنا بۇدان ەشقانداي قاۋىپ تونبەيدى. ال عالىمدار بۇل كۇنى استەريودتاردان قورعاۋ جۇيەسىن سىناقتان وتكىزۋدى جوسپارلاپ وتىر.

جالپى «استەريودتاردان قورعاۋ» تەرمينى نەنى بىلدىرەدى؟

ول دەگەنىمىز - الەمدەگى استرونوميالىق قوعامداستىقتاردىڭ استەرويدتىڭ وربيتاسىن ناقتى ەسەپتەپ، پلانەتامەن سوقتىعىپ- سوقتىعىسپايتىنىن انىقتاۋى.

ايتا كەتسەك، جەرگە سوعىلاتىن استەريودتاردان قورعانۋ ءادىسى ءالى كۇنگە دەيىن جوق.

ونىڭ ۇستىنە، استەريودتىڭ قوزعالىس جولىن انىقتايتىن زاماناۋي جۇيەلەر قاجەتتى ءارى ناقتى اقپارات بەرمەيدى. سول سەبەپتى عالىمدار وسى ايدا جەرگە جاقىن ۇشاتىن استەريودتاردىڭ قوزعالىس جولىن قىسقا مەرزىمدە ەسەپتەپ شىعۋدى جوسپارلاپ وتىر.