اۋستراليادا كۇننەن قۋات الاتىن كولىكتەر جارىسى وتۋدە
30 ەلدەن جينالعان 40 كوماندا 50 ساعات ىشىندە جاسىل قۇرلىقتىڭ سولتۇستىگىنەن وڭتۇستىگىنە قاراي قاق جارىپ ءوتۋى ءتيىس. دارۆيننەن ادەلايدا قالاسىنا دەيىنگى جارىس جولى 3 مىڭ شاقىرىمعا سوزىلىپ جاتىر. جارىستىڭ ءبىر ەرەكشەلىگى، وعان قاتىساتىن بوليدتەردى The World Solar Challenge-كە قاتىساتىن ينجەنەر ماماندىعىندا وقيتىن ستۋدەنتتەردىڭ وزدەرى قۇراستىرادى. ولاردىڭ اراسىندا ناگويا تەحنولوگيالىق ينستيتۋتىنىڭ Horizon 17 ءاۆتوموبيلى جەڭىمپاز بولۋعا باستى ۇمىتكەرلەردىڭ ءبىرى، دەپ جازادى Kyodo News اگەنتتىگى.
جاس ىزدەنۋشىلەردىڭ جارىسىن Tesla, SpaceX، Google, NASA جانە Volvo سياقتى كورپوراتسيالار مەن ۇيىمداردىڭ ماماندارى باقىلاپ وتىر. 9 - قازان، استانا ۋاقىتىمەن 15:00 دە كوش باسىندا نيدەرلاندىنىڭ زەنيت سىناقتارى ينستيتۋتى اكەلگەن Nuon Solar Team ءبوليدى كەلە جاتىر. ونىڭ ارتىنان جاپونيا وكىلى، گوللاندتاردىڭ تۆەنتە، ا ق ش- تىڭ ميچيگان ۋنيۆەرسيتەتتەرى جانە بەلگيا وكىلى قۋىپ كەلەدى. 
