عالىمدار قازىرگى ۋاقىتتاعى بالدىڭ قانداي زيانى بارىن انىقتاپ ءبىلدى

  استانا. قازاقپارات - عالىمدار قازىرگى ۋاقىتتا بالدىڭ قۇرامىندا تىڭايتقىشتىڭ، دالىرەگى، پەستيتسيدتىڭ بارىن انىقتادى. بۇل ادام دەنساۋلىعى مەن ارا جاندىگىنىڭ وزىنە قاۋىپ توندىرەدى.

عالىمداردىڭ بۇل مالىمدەمەسى Science مەرزىمدى باسىلىمىندا جاريالانعان.

شۆەيتساريانىڭ نەۋشاتەل ۋنيۆەرسيتەتىنەن ەدۋارد ميتچەل باستاعان ساراپشىلار انتراكتيكادان وزگە ءار قۇرلىقتان بالدىڭ 198 ۇلگىسىن سىناقتان وتكىزگەن ەكەن. وزدەرى سىناقتان وتكىزگەن بالدىڭ % 75 دا كەم دەگەندە نەونيكوتينويدتىڭ ءبىر ءتۇرى (ينسەكتيتسيدوۆ كلاسىنا جاتاتىن) كەزدەسكەن. بەستەن ەكىسىنەن كوپ ۇلگىسىندە وسىناۋ حيميكاتتىڭ ەكى نەمەسە ودان دا كوپ ءتۇرى تابىلعان.

عالىمدار ادەتتە اتالعان تىڭايتقىشتىڭ ۇلەسى بالدىڭ قۇرامىندا قاتەرلى دەڭگەيگە جەتپەۋى كەرەكتىگىن العا تارتىپ وتىر. سۋسسەكسا ۋنيۆەرسيتەتىنىڭ بيولوگيا پروفەسسورى دەيۆ گۋلسون حيميكاتتىڭ ادام اعزاسىنا تيگىزەر زيانىنىڭ زاردابى تۋرالى ايتۋدىڭ قيىن ەكەنىن العا تارتىپ وتىر. ياعني، بالدى تۇتىنۋشىلاردىڭ ولىمىنە سەبەپ بولا المايدى. الايدا، باستاپقىدا بىلىنبەيتىن زاردابى ۋاقىت وتە كەلە شىعۋى مۇمكىن ەكەنىن جوققا شىعارمايدى.

ايتا كەتەيىك، نەونيكوتينويد - استىقتى جاندىكتەردەن قورعاۋعا ارنالعان نەيرواكتيۆتى حيميالىق زات. ارالاردىڭ بويىنا ول توزاڭدانۋ پروتسەسى كەزىندە تاپ بولادى. عالىمدار ارالاردى تىڭايتقىشتىڭ بۇل تۇرىنەن قورعاۋ ءۇشىن حيميكاتتى پايدالانۋعا تولىق تىيىم سالۋ كەرەكتىگىن العا تارتىپ وتىر.