جاقيانوۆ - بارنەتت جەكپە- جەگىن قاي ارنادان كورۋگە بولادى

استانا. قازاقپارات - «قازاقستان» تەلەراديوكورپوراتسياسى باسقارماسىنىڭ ءتوراعاسى ەرلان قارين فەيسبۋكتەگى پاراقشاسىندا قازاقستاندىق جانات جاقيانوۆ پەن يرلانديالىق رايان بەرنەتتىڭ ايقاسى قاي ارنادان كورسەتىلەتىنىن جاريا ەتتى، دەپ حابارلايدى «قازاقپارات» ح ا ا ءتىلشىسى.

«21- قازاننان 22- قازانعا قاراعان ءتۇنى بوكس جانكۇيەرلەرى «Qazsport» ارناسىنان تىكەلەي ەفيردە قازاقستاندىق بوكسشى جانات جاقيانوۆتىڭ كاسىپقوي بوكس كەشىن تاماشالاي الادى. يرلانديانىڭ بەلفاست قالاسىندا ەڭ باستى جەكپە- جەكتە WBA نۇسقاسى بويىنشا جەڭىل سالماقتاعى چەمپيون جانات جاقيانوۆ (27 جەڭىس، 18 نوكاۋت، 1 جەڭىلىس) جانە IBF نۇسقاسى بويىنشا چەمپيون سولتۇستىك يرلانديالىق رايان بارنەتت (17 جەڭىس، 9 نوكاۋت، جەڭىلىس جوق) شىعاتىن بولادى» ، - دەلىنگەن ەرلان ءقاريننىڭ جازباسىندا.

جانات جاقيانوۆ الەمدىك بوكس رەيتينگىندە 12- ورىندا بولسا، بەرنەتت 5- ورىندا. ەسكە سالا كەتسەك، WBA (Super) جانە IBF نۇسقالارى بويىنشا الەم چەمپيونى تيتۋلدارىنىڭ تاعدىرى شەشىلەتىن جاقيانوۆ - بارنەتت جەكپە- جەگى 21 - قازاندا سولتۇستىك يرلانديانىڭ بەلفاست قالاسىندا وتەدى. 1XBET بۋكمەكەرلىك كەڭسەسى وسى جەكپە- جەككە مىناداي كوەففيتسيەنت ۇسىنىپ وتىر: بارنەتتىڭ جەڭىسىنە - 1.4, جاقيانوۆتىڭ جەڭىسىنە - 3.38, تەڭ ناتيجەگە - 26.

 

اۆتور: ايان بەكەن ۇلى