تارباعاتايدا قۇتقارۋشىلار التى ايلىق ءسابي مەن ەگىز قىزداردى ورتتەن الىپ شىقتى
وقيعا اقجار اۋىلىندا بولعان. داۋلەتپاي كوشەسىندە تۇراتىن وتاعاسى ۇيدەن از ۋاقىتقا شىعىپ كەتكەن، ال ونىڭ جۇبايى ۆەرانداداعى كىر جۋاتىن ماشينكانى قوسىپ، بالالارىنا قاراۋ ءۇشىن ۇيگە كىرىپ كەتەدى. بىرنەشە ۋاقىت وتكەننەن كەيىن ول ءتۇتىننىڭ ءيىسىن سەزەدى. «مەن كوشەگە شىقپاقشى بولدىم، اۋلادان ءيىس شىقتى، ءبىراق شىعا المادىم. ۆەرانداداعى قارا ءتۇتىن بەت قاراتپادى، قورىققانىمنان ەسىكتى جاۋىپ قويدىم»، - دەدى زارداپ شەگۋشى. ايەل دەرەۋ ورتكە قارسى قىزمەتكە قوڭىراۋ شالعان.
«ءبىز وقيعا ورنىنا كەلگەنگە دەيىن ۆەراندا وتقا ورانىپ جاتتى»، - دەدى اقجار ءورت ءسوندىرۋ بەكەتى ءبولىمىنىڭ كومانديرى تالعات ايتقاليەۆ. - قابىرعا، ءۇيدىڭ توبەسى جانىپ جاتتى. ۇيدەن ەسىك ارقىلى شىعۋ مۇمكىن بولماعان. «دراگەر» اپپاراتىن كيىپ، ۇيگە تەرەزە ارقىلى كىردىك. ءبىرىنشى التى ايلىق بالانى قۇتقارىپ الدىق، كەيىن التى جاسار ەكى قىزدى شىعاردىق، سودان كەيىن اناسىنا كومەكتەستىك».
ءورت سوندىرۋشىلەر زارداپ شەگۋشىلەردى دارىگەرلەرگە تاپسىردى. قازىرگى تاڭدا بالالاردىڭ جاعدايى تۇراقتى، ەگىزدەردى تەكسەرىپ، ۇيلەرىنە جىبەردى. ال، اناسى مەن التى ايلىق نارەستە دارىگەرلەردىڭ باقىلاۋىندا.
