راديو قىزمەتكەرلەرى كۇيەۋى تاستاپ كەتكەن جۇكتى ايەلگە تاڭعاجايىپ توسىنسىي جاسادى - فوتو، كەسكىن

استانا. قازاقپارات - راديو قىزمەتكەرى كۇيەۋى تاستاپ كەتكەن ايەلگە توسىنسىي جاساپ، ءۇمىت وتىن جاقتى.

بۇل تۋرالى best-fan.ru باسىلىمى حابارلايدى.

اماندا مەن كۇيەۋى ءۇش جىلدان بەرى بالا كوتەرۋدى جوسپارلاعان. ەڭبەكتەرى ناتيجەسىز بولعاندىقتان، كەلىنشەك ءۇمىتىن ۇزگەن. الايدا كۇتپەگەن جەردەن تاڭعاجايىپ ورىن الىپ، كەلىنشەك ارمانىنا قول جەتكىزەدى. كوپ ۇزاماي كۇيەۋى ەكەۋى جاڭا ءۇي ساتىپ الىپ، بالانىڭ دۇنيەگە كەلۋىن اسىعا كۇتەدى.

اماندانىڭ جۇكتىلىگىنىڭ سەگىزىنشى ايىندا ەرلى-زايىپتى قاتتى ۇرىسىپ قالادى. جانجال ەر ادامنىڭ ۇيدەن كەتىپ قالۋىمەن اياقتالادى. جۇرەگى جارالانىپ، اماندا قارىزدىڭ استىندا قالادى.

اماندانىڭ قۇربىسى اننا ەرەكشە جوسپار قۇرىپ، جۇكتى ايەلگە كومەكتەسۋدىڭ وڭتايلى جولىن ويلاپ تابادى. اننا قۇربىسىنا ەسكەرتپەي ونىڭ وقيعاسىن KIIS 1065 راديوشوۋىنا بايانداپ بەرەدى.

اماندا اتالعان شوۋعا قاتىسىپ جاتقانىن بىلمەگەن. «كۇيەۋىممەن ايىرىلىسقانىمىزعا بەس اپتاعا جۋىق ۋاقىت بولدى. مەن قاتتى تاڭقالدىم. مۇنداي بولادى دەپ ءۇش ۇيىقتاسام تۇسىمە كىرمەگەن ەكەن»، - دەيدى ول.

 

كەلىنشەكتىڭ قايعىلى وقيعاسىن ەستىگەن راديو قىزمەتكەرلەرى كوپ ۇزاماي ونى توسىنسىيلارىمەن قۋانتادى. تىكەلەي ەفيردەن اماندانىڭ ءۇيىنىڭ ءىشىن كورسەتەدى. قىزمەتكەرلەر اماندا ەفيردە وتىرعان كەزدە ۇيىنە جاڭا تۇرمىستىق زاتتار كىرگىزىپ ۇلگەرگەن ەكەن.

 

سىيلىقتارعا التى اي تەگىن ءۇي جيناۋ جانە ءۇش اي بالاعا تاماق اكەلۋ قىزمەتى قوسىلعان. ال اسۇيدەگى توسىن سىي اماندانى ەرىكسىز جىلاتىپ جىبەردى.