قازنەتتى شۋلاتقان «زىڭ-زىڭ» ءانىنىڭ بەينەبايانى شىقتى - كەسكىن

استانا. قازاقپارات - قازنەتتى شۋلاتقان «زىڭ قىزدار» ءانىنىڭ اۆتورلارى ارنايى بەينەبايان ءتۇسىردى. رەسمي كليپ ءبىر تاۋلىك ىشىندە الەۋمەتتىك جەلىلەردى شارلاپ كەتتى.

«قازاقپىز عوي» دەپ اندەتىپ جۇرگەن اتىشۋلى رەپەر جان احماديەۆ پەن بيىلعى جازدىڭ حيتى «شۋدىڭ بويىندا» ءانىنىڭ ورىنداۋشىسى احان وتىنشيەۆ اتالعان ءاندى ورىنداپ قانا قويماي، رەسمي كليپ ءتۇسىردى.

احماديەۆتىڭ ايتۋىنشا، ءان شىققان سوڭ وعان قىسقا روليك تۇسىرۋشىلەر قاپتاپ كەتكەن. وسىلايشا اۆتور جەكە وزىندىك بەينەباياندارى بولعانىن قالاعان.

جەلى قولدانۋشىلارى اتالعان بەينەبايانعا قاتىستى ءتۇرلى سىني پىكىرلەر ايتىپ، كليپتى شىمكەنت قالاسىندا تۇسىرگەن ءجون بولار ەدى دەستى.