ا ق ش پرەزيدەنتى سولتۇستىك كورەياعا تاعى دا سەس كورسەتتى
اق ءۇي باسشىسىنىڭ سوزىنشە، سوڭعى شيرەك عاسىردىڭ ىشىندە ا ق ش- تىڭ ءتۇرلى پرەزيدەنتتەرى سولتۇستىك كورەيامەن سويلەسىپ، كەلىسىمدەر بەكىتىپ، ۇلكەن سومادا اقشا بەرگەنىمەن، سونىڭ بارىنەن ەشنارسە شىقپاعان. «سوندىقتان، بۇگىنگى تاڭدا ىقپال ەتەتىن ءبىر عانا شارا بارى انىق» دەگەن پرەزيدەنت ناقتى نەنى مەڭزەگەنىن اشىپ ايتپاعان.
ەكى كۇن بۇرىن پرەزيدەنت ترامپ اق ۇيدە امەريكالىق اسكەري باسشىلارمەن بىرگە سۋرەتكە تۇسكەن كەزدە الدەنەنى تۇسپالداعان تاعى ءبىر ءسوز ايتقان بولاتىن. «وسىنشاما اسكەريلەردىڭ ءبىر جەرگە جينالۋى نەنى اڭعارتاتىنىن بىلەسىزدەر مە؟ - دەپ سۇراعان جۋرناليستەردەن ترامپ. - مۇمكىن، داۋىل الدىنداعى تىنىشتىق بولار. ەرتە مە، كەش پە، مەنىڭ نە ايتقىم كەلگەنىن تۇسىنەسىزدەر».
اق ءۇيدىڭ باسپا ءسوز قىزمەتى پرەزيدەنت ترامتىڭ مالىمدەمەسىنە قاتىستى تۇسىنىكتەمە بەرۋدەن باس تارتتى.
سولتۇستىك كورەيا بولسا، ءتىپتى ەلدىڭ اۋە كەڭىستىگىنە كىرمەگەن كۇننىڭ وزىندە دە ا ق ش اسكەري ۇشاقتارىن اتىپ تۇسىرەتىنى تۋرالى مالىمدەگەن.
www.azattyq.org
