الماتىداعى ات جارىسىندا وليمپيادا جۇلدەگەرىنىڭ جۇيرىگى ءبىرىنشى كەلدى
4000 مەترلىك قاشىقتىقتا الماتى قالاسى اكىمىنىڭ كۋبوگىندا اعىلشىن تۇقىمدى سايگۇلىكتەر سايىسقا شىعىپ ەڭ ءبىرىنشى بولىپ مارەگە ەركىن كۇرەستەن وليمپيادا جۇلدەگەرى يسلام بايرامۋكوۆتىڭ جۇيرىگى كەلدى.
« زۋباير» دەپ اتالاتىن جۇيرىكتىڭ جوكەيى 45 جىل ات سپورتىمەن اينالىسىپ كەلە جاتقان گەننادي بولدى.
« مەن 1971- جىلدان باستاپ ات سپورتىمەن اينالىسام. كوپتەگەن جارىستارعا قاتىسىپ جۇلدەلى ورىندارعا يە بولعانمىن. بۇگىنگى جەڭىسىمە ريزامىن. الداعى ۋاقىتتا دا ءالى قاتىسامىن دەگەن ويدامىن»، - دەدى گەننادي.
ودان بولەك، كوپتەگەن ات سپورتىن سۇيەر قاۋىم 1600 مەترلىك « كۇزگى جۇلدە»، 3000 مەترلىك «قازاقستاندىق سەنت- لەدجەر» ، 1800 مەترلىك « 2017 - جىلعى بايگە ماۋسىمىنىڭ جابىلۋ سالتاناتىنىڭ جۇلدەسى» ، 7 شاقىرىمدىق جورعا جارىس، 22 شاقىرىمدىق الامان بايگە جانە 12 شاقىرىمدىق قۇنان بايگە جارىستارىن تاماشالادى.
ايتا كەتەر جايت، بۇل جارىس الماتى قالاللىق ات بايگە فەدەراتسياسى جانە « الماتى قالالىق حالىقارالىق سپورتتىق جوبالار ديرەكسياسى» م ق- نىڭ ۇيىمداستىرۋىمەن جانە دەنە شىنىقتىرۋ جانە سپورت باسقارماسىنىڭ قولداۋىمەن وتكەن بولاتىن.
