ورالدا « رۋحاني جاڭعىرۋ» اياسىندا « ءداستۇر» شاراسى ۇيىمداستىرىلدى

ورال. قازاقپارات - بۇگىن ورال قالاسىنداعى جاڭا الاڭدا « رۋحاني جاڭعىرۋ» باعدارلاماسى اياسىندا «ءداستۇر» اتتى مادەني- اعارتۋ، كوپشىلىك شارالارى ءوتتى، دەپ حابارلايدى « قازاقپارات» ءتىلشىسى.

 قازاقستان حالقى ب ق و اسسامبلەياسىنىڭ «ەتنوستار كۇنى» جوباسىنا سايكەس قازاق حالقىنىڭ سالت- داستۇرلەرىنە ارنالعان شاراعا بارلىق اۋداندار، جوعارى جانە ارناۋلى وقۋ ورىندارى قاتىستى. الاڭدا كيىز ۇيلەر تىگىلىپ، تۇساۋ كەسۋ، باتا بەرۋ سەكىلدى ۇلتتىق سالت- داستۇرلەردەن كورىنىستەر قويىلدى. قولونەر كورمەسى، ۇلتتىق ويىندار كەزەگىمەن ءوتىپ جاتتى.

شاراعا قاتىسقان وبلىس اكىمىنىڭ ءبىرىنشى ورىنباسارى ارمان وتەعۇلوۆ ەلباسىنىڭ « بولاشاققا باعدار: رۋحاني جاڭعىرۋ» اتتى باعدارلاماسىنا سايكەس حالقىمىزدىڭ سان عاسىرلىق سالت- داستۇرلەرىن ناسيحاتتاۋ، ۇلتتىق قۇندىلىقتاردى ورنىقتىرۋ، جاس ۇرپاقتى وتانشىلدىق رۋحتا تاربيەلەۋ ماقساتىندا وڭىردە وسىنداي جوبالاردىڭ قولعا الىنىپ جاتقاندىعىن جەتكىزدى. مۇنداي يگى شارالار الداعى ۋاقىتتا دا جالعاسىن تاباتىن بولادى.

قادىر مىرزا ءالي اتىنداعى ورتالىق الدىندا اقىندار مەن عالىمدار، زيالى قاۋىم وكىلدەرى جاستارمەن كەزدەسىپ، ولەڭدەر وقىلىپ، ۇلتتىق تاربيە توڭىرەگىندە وي قوزعالدى.

ۇلتتىق سالت- ءداستۇردى ناسيحاتتاعان شارا ءوڭىر ونەرپازدارى قويعان كونسەرتكە ۇلاستى.

اۆتور: ەلجان ەرالى