قازاقستاندا قۇراستىرىلعان اۆتوموبيلدەر تاجىك نارىعىنا شىقتى
بۇل جايىندا قازاقستاننىڭ تاجىكستانداعى ەلشىلىگىنەن ءمالىم ەتتى، دەپ حابارلايدى قازاقپارات.
شاراعا قازاقستاننىڭ تاجىكستانداعى ەلشىسى نۇرلان سەيتىموۆ، تاجىكستان رەسپۋبليكاسىنىڭ كولىك ءمينيسترى حۋدويەر حۋدويەرزودا، قالاسى ءتوراعاسىنىڭ ورىنباسارى كۋربون تاگاي سايدزودا، سونداي- اق ىسكەر، قوعامدىق ورتالار مەن ب ا ق وكىلدەرى قاتىستى.
ن. سەيتىموۆ قازاقستان مەن تاجىكستاننىڭ اراسىنداعى ءوزارا ساۋدانىڭ جوعارى دەڭگەيىن اتاپ ءوتتى. بۇل ورايدا، قازاقستان سوڭعى جىلدارى تاجىكستاننىڭ نەگىزگى سىرتقى ساۋدا سەرىكتەستەرىنىڭ ۇشتىگىنە كىرەدى. 2017 - جىلى قاڭتار- تامىزدا قازاقستان مەن تاجىكستان اراسىنداعى تاۋار اينالىمىنىڭ كولەمى 525,1 ميلليون ا ق ش دوللارىن قۇراپ، ول 2016 - جىلدىڭ سايكەس كەزەڭىمەن سالىستىرعاندا 29,7 پايىزعا جوعارى بولدى.
سونىمەن قاتار ەلشى ەكى ەلدىڭ شارۋاشىلىق سۋبەكتىلەرى اراسىندا تاجىكستانعا قازاقستاندىق تاۋارلاردى جەتكىزىلىمى كەزىندەگى كووپەراتسيالىق بايلانىستاردى ارتتىرۋداعى «KazakhExport» ە س ك» اق- نىڭ ماڭىزدى رولىنە نازار اۋداردى. «KazakhExport» قۇرالدارى مەن مۇمكىندىكتەرىن تانىستىرىپ، ەلشىلىك تاراپىنان وسى كومپانيا مەن تاجىكستاندىق يمپورتەرلەر اراسىنداعى بايلانىستاردى دامىتۋعا قاجەتتى جاردەم كورسەتۋگە دايىندىعىن ءبىلدىردى.
ەستەرىڭىزگە سالا كەتسەك، بيىلعى جىلدىڭ ءساۋىر ايىندا «KazakhExport» ەكسپورتتىق ساقتاندىرۋ كومپانياسى» ا ق قولداۋىمەن قازاقستاندىق اۆتووندىرۋشىلەر مەن «ازيا گرۋپپ تادجيكيستان» حولدينگى اراسىندا 2000 اۆتوموبيل جەتكىزۋگە جالپى قۇنى 24 ميلليون ا ق ش دوللارىن قۇرايتىن كەلىسىم جاسالعان بولاتىن.
اۆتور: مارلان جيەمباي
