اقتوبە ءداستۇرلى ەمەس ءدىني اعىمداردى ۇستانۋشىلاردى تاربيەلەۋ جوباسىن جالعاستىرادى

اقتوبە. قازاقپارات - اقتوبەدە «حالىق قاۋىپسىزدىگىن قامتاماسىز ەتۋ» جوباسى جالعاسادى. تەولوگتار استانا قالاسىنان شاقىرىلادى، دەپ حابارلايدى قازاقپارات ءتىلشىسى.

اقتوبە وبلىسى «حالىق قاۋىپسىزدىگىن قامتاماسىز ەتۋ» جوباسىنىڭ ءتيىمدى ەكەنىن دالەلدەدى. ءبىر اي بويى ماماندار ايتەكە بي، حرومتاۋ، مۇعالجار، تەمىر، مارتوك، قارعالى، بايعانين، شالقار اۋداندارىنا بارىپ، حالىقتى جۇمىسپەن قامتۋ، ءدىني ەكسترەميزمنىڭ الدىن الۋ، مەملەكەتتىك جانە سالالىق باعدارلامالاردىڭ جۇزەگە اسىرىلۋىن تۇسىندىرەدى.

«ءداستۇرلى ەمەس ءدىني اعىمداردى ۇستانۋشىلاردىڭ سانىن ازايتىپ، تۇتاستاي العاندا ءوڭىر قىلمىس كورسەتكىشى تومەندەدى. ءبىز جوبانى جاڭعىرتىپ جاتىرمىز. وسىعان وراي ءتيىمدى ناتيجەگە جەتۋ ءۇشىن قولدا بار مۇمكىندىكتەردى بارىنشا پايدالانۋ قاجەت»، - دەدى وبلىس اكىمى بەردىبەك ساپاربايەۆ.

جوسپار دايىن. ءدىن جولىنداعى جاستار، ءدىني قاۋىمداستىقتار جانە تۇرمەدەن بوساتىلعان ادامدارعا ارنالعان 100-دەن استام شارا وتكىزىلمەك. توپتىق جانە ماقساتتى كەزدەسۋلەر، سەمينارلار، مەشىتتەردە جۇرگىزىلەتىن دارىستەر بار. بارلىعى 32 تەولوگ ءتۇسىندىرۋ جۇمىستارىن جۇرگىزەدى، ونىڭ 9-ى استانادان شاقىرىلادى. ال الەۋمەتتىك ماسەلەلەردى شەشۋ باعىتى بويىنشا اقتوبە دارىگەرلەرى 3 مىڭنان استام ادامعا كورمەك كورسەتەدى. بالالار مەن وقۋشىلاردىڭ دەنساۋلىعى تەكسەرىلىپ، 200 ادامعا ءتۇرلى ۋلترادىبىستىق زەرتتەۋلەر جۇرگىزەدى. ادامداردىڭ ءتىسى ەمدەلەدى. اقتوبە وبلىسى اكىمىنىڭ باسپا ءسوز قىزمەتىنىڭ حابارلاۋىنشا، 180 جۇمىسسىز ەڭبەككە ارالاسىپ، الەۋمەتتىك جۇمىس ورىندارىنا، جاستار تاجىريبەسىنە، قىسقا مەرزىمدى ترەنينگتەرگە جىبەرىلەدى.

«مەملەكەتتىك ورگانداردىڭ، قارجى ينستيتۋتتارىنىڭ وكىلدەرى كاسىپكەرلىكتى دامىتۋ، مەملەكەتتىك قولداۋ شارالارىن ءتۇسىندىرۋ ءۇشىن جاستارعا، اۋىل اكىمدەرىنە ارناپ جيىن وتكىزەدى. قازىرگى ۋاقىتتا قارجى ينستيتۋتتارى قۇنى 250 ميلليون تەڭگە بولاتىن 60 جوبانى قارجىلاندىرۋعا كەلىسىم بەردى. ال اقپاراتتىق جۇمىس باعىتى «100 ناقتى قادام» ۇلت جوسپارى، «بولاشاققا باعدار: رۋحاني جاڭعىرۋ» ماقالاسىنىڭ باستى باعىتتارى، مىندەتتى الەۋمەتتىك- مەديتسينالىق ساقتاندىرۋ جۇيەسى تۋرالى تۇسىندىرمە جۇمىستارىن جۇرگىزىلەدى.

جەرگىلىكتى حالىقپەن جانە ءىرى كومپانيالاردىڭ ەڭبەك ۇجىمدارىمەن كەزدەسۋ بارىسىندا 24 ۆاحتالىق ەلدى مەكەندە ءدىني ەكسترەميزم مەن تەرروريزمدى بولدىرماۋعا باعىتتالعان 30 بەينەروليك كورسەتىلەدى.

«جوبا، حالىققا بارىنشا پايدا اكەلۋى ءتيىس جانە ونىڭ وڭ اسەرىن جوبامەن قامتىلعان ءوڭىردىڭ ءاربىر تۇرعىنى سەزىنۋى قاجەت. ناقتى ناتيجەلەر بولۋى كەرەك. ءبىز حالىقتىڭ پروبلەمالارىن شەشۋگە ءتيىسپىز»، - دەدى بەردىبەك ساپاربايەۆ.

اۆتور: التىناي ساعىندىقوۆا