كۇنى- ءتۇنى سمارتفونمەن ويناعان بويجەتكەن كوزدەن ايىرىلدى

استانا. قازاقپارات - قىتايدىڭ گۋاڭدۇڭ پروۆينتسياسىنداعى دۋنگۋان قالاسىندا جاس قىز سمارتفون ويناپ وتىرىپ، سوقىر بولىپ قالدى.

South China Morning Post باسىلىمىنىڭ حابارلاۋىنشا، 21 جاستاعى قىز ۇيالى تەلەفونىمەن كۇنى بويى توقتاۋسىز ويىن ويناپ وتىرعان. جانارى تالعان قىز اۋرۋحاناعا جەتكىزىلىپ، دارىگەرلەر ونىڭ وڭ كوز تورى وككليۋزياعا شالدىققانىن انىقتاعان. دارىگەرلەر بۇعان تەلەفونعا ۇزاق ۋاقىت قادالىپ وتىرعاندىقتان كوزگە شەكتەن تىس سالماق تۇسكەنى سەبەپ بولعانىن ايتادى.

«جۇمىسقا بارمايتىن كۇندەرى ادەتتە تاڭعى 6-دا تۇرىپ تاماقتانىپ، كەشكى 4-كە دەيىن تەلەفونمەن وينايتىنمىن. سونان سوڭ تۇسكى اسىمدى ءىشىپ، ازداپ مىزعىپ العان سوڭ تۇنگى 1-گە دەيىن تاعى دا تەلەفونعا ءۇڭىلۋشى ەدىم»، - دەيدى بويجەتكەن.