ۇشاقتى سۇراپىل جەلدىڭ ۇشىرا جازداعان ءساتى تۇسىرىلگەن ۆيدەو جەلىنى دۇرلىكتىردى

استانا. قازاقپارات - سپوتتەرلەر Airbus A380 ۇشاعىنىڭ سۇراپىل جەلدىڭ سالدارىنان اپاتقا ۇشىراۋعا از- اق قالعان ءساتىن ۆيدەوعا ءتۇسىرىپ الدى.

  Emirates كومپانياسىنا ءتيىستى اۋە لاينەرىنىڭ ديۋسسەلدورف اۋەجايىنا قونار كەزىندە «كساۆەر» داۋىلى ۇشىرىپ جىبەرە جازدادى، دەپ حابارلايدى belta.by.

 ۆيدەودان داۋىل ۇشاق ەكيپاجىن كۇردەلى مانيەۆر جاساۋعا ءماجبۇر ەتكەنى كورىنىپ تۇر. ۇشقىشتار قولمەن باسقارۋ رەجيمىنە كوشىپ، اۋە لاينەرىن ۇشۋ- قونۋ جولاعىندا ۇستاۋعا تىرىسقان. ابىروي بولعاندا وقيعا ءساتتى اياقتالدى. ۇشاق جولاققا قونار ساتتە قانات تۇسىنان سوققان سۇراپىل جەل ونى اۋدارىپ جىبەرۋگە از- اق قالعان. سۇراپىل جەل ۇشاقتى الدىمەن جولاقتىڭ وڭ جاعىنا، كەيىن سول جاعىنا قاراي ىعىستىرادى، ءبىراق Emirates ۇشقىشتارى بۇيىردەن سوققان الاپات داۋىلدان ۇشاقتى امان الىپ قالعان.