كۇن ەنەرگياسى العاش رەت كومىردى باسىپ وزدى
جالپى العاندا، جاڭارتىلعان ەنەرگيا كوزدەرىمەن جۇمىس ىستەيتىن الەمدەگى ەلەكتر ستانسيالارىنىڭ جيىنتىق قۋاتىنىڭ ارتۋى 2016 -جىلى 164 گۆت قۇرادى - بۇل كەز كەلگەن كوزدەردەگى بارلىق ەلەكتر ستانسيالارى ارتۋىنىڭ 75 پايىزىن كورسەتەدى. سالىستىرمالى تۇردە، 2015-جىلى بۇل كورسەتكىش 153 گيگاۆاتتى قۇراعان ەدى.
باياندامانىڭ اۆتورلارى مۇنداي ناتيجە كۇن مەن جەل ەنەرگياسى ءوندىرىسىنىڭ قۇنىن تومەندەتۋمەن، سونداي- اق بالامالى ەنەرگەتيكالىق سەكتوردى مەملەكەت قولداۋىنىڭ ارقاسىندا مۇمكىن بولىپ وتىر دەپ سانايدى. بۇل، اسىرەسە، وتكەن جىلى ۇكىمەتتىڭ شىعىندارىن ازايتۋ باعدارلاماسىنىڭ ارقاسىندا جاسىل ەنەرگەتيكا سالاسىنداعى ەڭ ۇلكەن پروگرەسكە قول جەتكىزگەن قىتايعا قاتىستى.
سوڭعى التى جىل بويى (2011 -جىلدان 2016 -جىلعا دەيىن) بالامالى ەنەرگيانىڭ ءوسۋ قارقىنى بويىنشا ەكىنشى ورىندى 160 گيگاۆاتتپەن ا ق ش يەلەنىپ كەلسە، ءۇشىنشى ورىندا - ءۇندىستان (86 گيگاۆاتت) تۇر.
بۇدان بۇرىن ح ە ا 2015 -جىلى بارلىق جاسىل ەلەكتر ستانتسيالارىنىڭ جيىنتىق قۋاتتىلىعىنىڭ ارتۋى كومىر ستانسيالارىنان العاش رەت اسىپ تۇسكەنىن حابارلاعان ەدى.
