قازاقستان - ارمەنيا فۋتبول ماتچىنىڭ جانكۇيەرلەرى ءۇشىن ارنايى اۆتوبۋستار بولىنەدى

استانا. قازاقپارات - 8 - قازاندا «استانا ارەنا» ستاديونىندا وتەتىن قازاقستان - ارمەنيا كوماندالارى اراسىنداعى فۋتبول ماتچىنىڭ جانكۇيەلەرىنە ارنايى اۆتوبۋستار بولىنەدى. دەپ حابارلايدى قازاقپارات اكىمدىكتىڭ مەديا ورتالىعىنا سىلتەمە جاساپ.

«ويىندى كورەمىن دەۋشىلەر «قازاقستان» س ك، «نۇر استانا» مەشىتى، «جاستار» سارايى»، «استانالىق سيرك» تۇراقتارىنان ساعات 20: 00-دەن 21:00-گە دەيىن جينالادى. ارنايى اۆتوبۋستاردىڭ ءجۇرۋ اقىسى - 90 تەڭگە، ءجۇرۋ بيلەتتەرى مەن جەڭىلدىگى بار بيلەتتەر جارامسىز»، - دەلىنگەن تاراتىلعان اقپاراتتا.

 ايتا كەتەيىك، ويىن اياقتالعان سوڭ قالاعا № 10, 12, 28, 40, 51, 303 قوعامدىق كولىكتەرمەن جەتۋگە بولادى. سونداي- اق، ساعات 23.00-دەن باستاپ قابانباي باتىر داڭعىلى بويىنشا ستاديوننىڭ تۇراعى مەن «استانا ارەنا ستاديونى» ايالداماسىندا جانكۇيەرلەردى قالاعا اپاراتىن اۆتوبۋستار ۇيىمداستىرىلادى.