20:45, 06 - قازان 2017 | GMT +5
حيميا سالاسى بويىنشا نوبەل سىيلىعى تاعايىندالدى
استانا. قازاقپارات - مۇنداي عىلىمي اتاققا بيىل شۆەيتساريالىق جاك ديۋبوشە، امەريكالىق يواحيم فرانك جانە بريتاندىق ريچارد حەندەرسون يە بولدى.
ولار بيو مولەكۋلالاردىڭ ەرىتىندىدەگى قۇرىلىمىن انىقتاۋ ءادىسىن دامىتۋعا قوسقان ۇلەسى ءۇشىن ماراپاتتالدى. نوبەل كوميتەتى ماماندارىنىڭ ايتۋىنشا، بۇل عىلىمي ەڭبەك ومىردەگى حيميالىق پرينتسيپتەردى ءجىتى تۇسىنۋگە جانە دارىلىك پرەپاراتتاردى جاساۋ سالاسىنا قارقىن بەرەدى.
ايتا كەتەيىك، وتكەن جىلى نوبەل سىيلىعى «مولەكۋلارلى ماشينانى جوبالاۋ مەن سينتەزدەۋ» تۋرالى ەڭبەك ءۇشىن بەرىلگەن ەدى. سىيلىقتى تابىستاۋ ءراسىمى ءداستۇر بويىنشا شۆەتسيا استاناسىندا ءوتتى. بيىل عىلىمي اتاقپەن بىرگە بەرىلەتىن سىياقى كولەمى 9 ميلليون شۆەد كروناسىن قۇرايدى.
www.24.kz
