جىل سوڭىنا دەيىن ءۇي باعاسى قالاي وزگەرەدى؟

  استانا. قازاقپارات - قىركۇيەكتە ەسكى جانە ەليتالى ءۇي باعاسى ءوستى. ساراپشىلاردىڭ پىكىرىنشە، ءتورتىنشى توقساندا تەڭگە كۋرسى تۇراقتى بولعان جاعدايدا باسپانا نارىعىندا باعا ءارقيلى باعىتتا ءوربيدى.

 قايتالاما نارىقتاعى ۇيلەر ارزانداسا، جاڭادان سالىنعان ۇيلەردىڭ باعاسى تۇراقتالادى.

بۇل تۋرالى Homsters.kz ساراپتاما ورتالىعى حابارلايدى

كۇزدىڭ باسىندا استاناداعى شارشى مەتر باعاسى %1,7 قىمباتتاپ، 325,9 مىڭ تەڭگەگە جەتسە، الماتىدا% 4,6 قىمباتتاپ، 365,6 مىڭ تەڭگەگە كوتەرىلدى. ال شىمكەنتتە باعا %3,1 قىمباتتاپ 203,8 مىڭ تەڭگەگە جەتتى. قاراعاندىدا بۇل كورسەتكىش% 7,7 كوتەرىلىپ، 194,9 مىڭ تەڭگەگە جەتتى.

«قىركۇيەكتە ادەتتە باعا وسىلايشا ايتارلىقتاي وزگەرىسكە تۇسەدى. وعان سەبەپ جاز ايلارىنداعى باسەڭدەۋدەن كەيىن جىل سوڭىنا قاراي نارىقتىڭ قايتا جاندانۋىنان دامەلەنۋ» ، دەيدى ونلاين قىزمەتتىڭ باسقارۋشى سەرىكتەسى ماريا رەن.

ونىڭ ايتۋىنشا، باعانىڭ وزگەرۋىنە ودان بولەك تەڭگە باعامىنىڭ 2 پايىزعا السىرەۋى اسەر ەتكەن.

«ءالى دە بولسا كەي ساتۋشىلار باعانى دوللارمەن ەسەپتەيدى، سوندىقتان تەڭگەنىڭ السىرەۋى باعانىڭ قىمباتتاۋىنا العىشارت بولىپ وتىر»، - دەيدى ساراپشى.

ساراپشىنىڭ ايتۋىنشا قىركۇيەكتە استاناداداعى باعا وسكەنىمەن، الماتىدا كەرىسىنشە ءسال ارزانداعان. سونىمەن قاتار ساراپشى جىل سوڭىنا دەيىن ەليتالى ءۇي باعاسىنىڭ ايتارلىقتاي وزگەرىسكە تۇسە قويمايتىنىن العا تارتتى.