ءومىردىڭ ۇلكەن تاستارى
ستۋدەنتتەر بۇل تاپسىرمانىڭ تۇك قيىندىعى جوق دەپ، 2 مينۋت ىشىندە بانكىنى تاستارمەن تولتىرادى. پروفەسسور «بانكى تولدى ما؟ » دەپ سۇراعاندا، ءبىر اۋىزدان «تولدى» دەپ جاۋاپ بەرەدى. ونى ەستىگەن پروفەسسور «جاۋاپ دۇرىس ەمەس» دەپ، ۇستەلگە مايدا تاستاردى شىعارىپ، سولاردى بانكىنىڭ ىشىنە توگەدى. ستۋدەنتتەر بۇل جولى دا «ەندى تولدى» دەگەندەرىنە «جوق» دەپ، توپىراق اكەلىپ بانكى ىشىنە سالادى. توپىراق تۇگەلدەي تاستاردىڭ اراسىنا جايىلعاندا شايقاپ، تاعى دا توپىراق سالادى. بانكىنىڭ تولعان- تولماعانىن ستۋدەنتتەردەن قايتا سۇرايدى. بۇل جولى ستۋدەنتتەر نە ايتارلارىن بىلمەي، «تولماعان شىعار» دەيدى. پروفەسسور: «ءيا، تولمادى» ، - دەپ، بانكىگە سۋ قۇيادى. سوسىن ستۋدەنتتەرگە قاراپ، وسى جاسالىنعانداردان نە تۇسىنگەندەرىن سۇرايدى. ستۋدەنتتەردىڭ بىرەۋى: «كۇنىمىز قانشالىقتى شارۋاعا تولى كورىنسە دە، ءارقاشان باسقا جۇمىستار ءۇشىن ۋاقىت تابۋعا بولادى.. . سولاي ما؟ » - دەيدى.
پروفەسسور كۇلىمدەپ: «ول دا دۇرىس. ءبىراق، بۇدان الىناتىن ساباق - ۇلكەن تاستاردى ەڭ باسىندا ورنالاستىرماساڭىز، كىشكەنتاي تاستار مەن باسقا مايدا- شۇيدە نارسەلەر بانكىنىڭ ءىشىن تولتىرىپ، ۇلكەن تاستارعا ورىن قالماي قالادى» ، - دەدى. كەيىن ستۋدەنتتەردىڭ تۇسىنبەي تۇرعانىن كورگەن عالىم: «ومىرىڭىزدەگى ۇلكەن تاستارىڭىز نە؟ .. . يمانىڭىز با، بالالارىڭىز با، وتباسىڭىز با، دوستارىڭىز با، ءبىلىمىڭىز بە، دەنساۋلىعىڭىز با، باسقالارعا پايدالى بولۋ ما، بىرەۋلەرگە ءبىر نارسەنى ۇيرەتۋ مە، دۇنيەنى كەزۋ مە؟ وسىلاردىڭ ءبارى مە؟ ومىرىڭىزدەگى ۇلكەن تاستاردىڭ نە ەكەنىن جاقسىلاپ ءتۇسىنىپ، ولارمەن ءومىرىڭىزدى ەڭ الدىمەن تولتىرىڭىز، ايتپەسە ماقساتىڭىزعا قاتىسى جوق زاتتارمەن اينالىسىپ، ول تاستارىڭىزدى ومىرىڭىزگە سىيدىرا الماي قالاسىز» ، - دەپ ونەگەلى ءسوزىن ايتتى.
Massaget.kz
