03:17, 07 - قازان 2017 | GMT +5
ارابتار ەندى عارىشتى يگەرۋگە كىرىستى
استانا. قازاقپارات - بىرىككەن اراب امىرلىگى وزدەرى جاسايتىن العاشقى جاساندى جەر سەرىگىن 2018 -جىلدىڭ جاز مەزگىلىندە عارىشقا ۇشىرۋعا بەل بايلاپ وتىر. وسىلايشا، كوشتەن قالماي عارىشتى يگەرۋدى باستايدى.
بۇل تۋرالى شەتەلدىك ب ا ق جازادى.
«كەلەسى جىلى ب ا ءا باستان- اياق وسى ەلدىڭ ينجەنەرلەرى قۇراستىراتىن Khalifa-Sat فوتو- سۋرەتى ءۇشىن جەر سەرىگىن ۇشىرادى» دەپ مالىمدەدى اتالعان ەلدىڭ عارىش اگەنتتىگىنىڭ باس ديرەكتورى مۇحاممەد ناسىر ءال- اھبابي.
ول عارىشتى يگەرۋ ماقساتىندا الدىمەن ب ا ءا ينجەنەرلەرىن 5 جىلعا وڭتۇستىك كورەياعا ءبىلىم الۋعا جىبەرگەن. العاشقى جاساندى جەر سەرىگى وڭتۇستىك كورەيادا قۇراستىرىلعان ەكەن، ال ەكىنشىسى - DubaiSat جارتىسى ب ا ءا- دە قۇراستىرىلعان.
ب ا ءا عارىش اگەنتتىگى جەتەكشىسىنىڭ ايتۋىنشا، تاعى ءبىر بايلانىسقا ارنالعان Yahsat جەر سەرىگى كەلەسى جىلدىڭ جاز مەزگىلىندە ۇشىرىلادى. بۇدان بولەك، الداعى ءۇش جىلدىڭ ىشىندە التى جەر سەرىگى قۇراستىرىلادى.
