ماڭعىستاۋداعى قۇرىق پورتى تەڭىز تاسىمالى نارىعىنداعى ۇلەستى ارتتىرادى
داريعا نازاربايەۆا باستاعان دەپۋتاتتار قۇرىلىسىنىڭ ەكىنشى كەزەڭى، ياعني اۆتوكولىك وتكەلى سالىنىپ جاتقان كەشەن قىزمەتىمەن تانىستى. مۇندا تەڭىز تۇبىنەن كولەمى 730 مىڭ شارشى مەتر توپىراق شىعارىلعان. كەمە تۇراعى قازىر قولدانىسقا دايىن. پارومدىق كەشەننىڭ باتىس جانە شىعىس بولىگى تەمىر- بەتوندى قۇرىلىمدارمەن قورشالىپ جاتىر. سونداي- اق قۇرىق پورتىن قاراقيا اۋدانىمەن جالعايتىن 22 شاقىرىمدىق جول توسەلىپ جاتىر. جالپى، قازاقستاننىڭ ەكىنشى قاقپاسىن سالۋعا 186 ماماندىق بويىنشا ءبىر مىڭنان اسا جۇمىسشى تارتىلعان.
باۋىرجان ورىنباساروۆ، «قازاقستان تەمىر جولى» ۇ ك» ا ق ۆيتسە- پرەزيدەنتى:
- اۆتوكولىك وتكەلى جۇك كولىكتەرىن اۋىستىرىپ- وتكىزۋگە مۇمكىندىك بەرەدى. قۇرىق پورتى ارقىلى وتاندىق ونىمدەر تۇركيا مەن ۋكرايناعا تاسىمالدانادى. قازاقستانعا تەڭىز ارقىلى جەتكەن تاۋارلار ورتالىق ازياعا تارالادى. جالپى پارومدىق كەشەننىڭ اۆتوكولىك وتكەلى جىلىنا 7 ميلليون تونناعا دەيىن جۇك قابىلداپ- وتكىزە الادى.
www.24.kz 
