ۇيىقتاپ جاتىپ ايەلىن ۇراتىن ادامدى دارىگەرلەر ەمدەۋگە كىرىستى

استانا. قازاقپارات - دارىگەرلەر ۇيىقتاپ جاتىپ ايەلىمەن شىن توبەلەسەتىن ادامدى ەمدەۋگە كىرىستى.

بۇل تۋرالى Mirror عا سىلتەمە جاساپ life.ru جازادى.

تايۆانداعى تايچجۋن قالاسىنىڭ تۇرعىنى 60 جاستاعى ۋدىڭ 10 جىلدان بەرى ۇيقىسى بۇزىلعان. العاشىندا ول تۇسىندە جاي عانا سويلەسە، كەيىننەن ۇيىقتاپ جاتىپ قولىن جان- جاققا سەرمەۋدى شىعارعان.

سودان ۋدىڭ سوققىسىنان كۇندە تاياق جەپ جۇرگەن ايەلى ونى تۇرمىستا زورلىق- زومبىلىق كورىپ ءجۇرمىن دەپ سوتقا بەرىپتى.

امالى تاۋسىلعان ەر ادام دارىگەرگە بارىپ، ءوزىنىڭ سيرەك كەزدەسەتىن ۇيقى بۇزىلۋى اۋرۋىنا شالدىققانىن انىقتاعان.

ۋ دەمالىپ جاتقان كەزدە ونىڭ ميى يەسىنىڭ قوزعالىسىن رەتتەمەيتىندىكتەن، ول ۇيقىعا كەتكەن كەزدە تۇسىندەگى قوزعالىستار وڭىندەگىدەي قايتالاناتىن كورىنەدى.

زەرتتەۋ كورسەتكەندەي، ونىڭ بۇل ارەكەتى ەڭ بىرىنشىدەن قاسىندا جاتقان ايەلىنە وڭاي تيمەيتىنى انىق.

ءسويتىپ، ۆۋ «كۋانگ تيان» اۋرۋحاناسىنا جاتقىزىلادى دا، ماماندار ونىڭ ۇيقى كەزىندە قانداي ارەكەتتەرگە باراتىنىن باقىلاۋ كامەراسى ارقىلى بايقايدى. سوندا ونىڭ ۇيىقتاپ جاتقان كەزىندە دە بەلسەندى قوزعالىسقا كەلىپ، كورىنبەيتىن قارسىلاسىمەن ارپالىساتىنى انىقتالادى.

ۇيقىنىڭ تەز بۇزىلۋ كەزەڭى ءدارى- دارمەكتىڭ كومەگىمەن ەمدەلەتىن اۋرۋ ەكەن. ەندى دارىگەرلەر ۋدى ەمدەۋگە كىرىسپتى.