ارزان سىيلىق العانىنا ارلانىپ، جىلاپ قالعان ۇستاز جەلىدە قىزۋ تالقىعا ءتۇسىپ جاتىر

استانا. قازاقپارات - وقيعا رەسەيدىڭ كراسنودار قالاسىنداعى مەكتەپتەردىڭ بىرىندە ورىن العان. مۇعالىمدەر كۇنىنە وراي تابىستالعان سىيلىق كوڭىلىنەن شىقپاعان ۇستاز، ارلانىپ العان دۇنيەسىن اتا- انالارعا قايتارىپ بەرگەن.

ەلەنا سەرگەيەۆنا ەسىمدى ۇستاز ءبىرىنشى سىنىپ وقۋشىلارىنىڭ جەتەكشىسى بولىپ جۇمىس جاسايدى. ايتۋلى مەرەكەسىندە وقۋشى اتا- انالارى بىرلەسىپ ۇستازعا سىيلىق جاساماق بولعان. الايدا ولاردىڭ جيناپ بەرگەن اقشالاي سىيلىعى ۇستازدىڭ ارىنا نۇقسان كەلتىرگەندەي.

ۇستاز ەكى مىڭ رۋبل مەن تابىستالعان گۇلدى اتا-انالاردىڭ وزدەرىنە قايتارىپ بەرىپ، ارتىنشا وكپە نازىن دا جاسىرماعان.

ەندىگى كەزەك اتا- انالار بۇل كىسىگە جاڭا جىلعا وراي كولىك، سەگىزىنشى ناۋىرىزدا پاتەر سىيعا تارتۋعا مىندەتتىمىز بە دەپ اشۋ شاقىرۋدا.