نۇرسۇلتان نازاربايەۆ پەن ۆلاديمير پۋتين سوچيدە كەزدەسەدى
بۇل تۋرالى ر ف سىرتقى ىستەر ءمينيسترى سەرگەي لاۆروۆ ءمالىم ەتتى، دەپ حابارلايدى «قازاقپارات» ح ا ا ءتىلشىسى.
استاناعا رەسمي ساپارمەن كەلگەن ر ف سىرتقى ىستەر ءمينيسترى سەرگەي لاۆروۆ قازاقستاندىق ارىپتەسى قايرات ابدىراحمانوۆپەن كەزدەستى. كەزدەسۋ بارىسىندا قايرات ءابدىراحمانوۆ ەكى ەلدىڭ ديپلوماتيالىق قارىم-قاتىناسىنىڭ 25 جىلدىعى قارساڭىندا ر ف سىرتقى ىستەر ءمينيسترىنىڭ استاناعا جاساعان ءىس ساپارىنىڭ ماڭىزى زور ەكەنىن اتاپ ءوتتى.
مينيستر ءوز سوزىندە قازاقستاندىق-رەسەيلىك قارىم-قاتىناستىڭ جىل ساناپ بەكىپ كەلە جاتقانىن جەتكىزدى.
بۇدان كەيىن ءسوز العان ر ف سىرتقى ىستەر ءمينيسترى سەرگەيلاۆروۆ ستراتەگيالىق قارىم-قاتىناستىڭ نىعايۋى جولىندا نۇرسۇلتان نازاربايەۆ پەن ۆلاديمير پۋتيننىڭ ەڭبەگىن ەرەكشە اتاپ ءوتتى.
«ەكى ەل باسشىلارىنىڭ الداعى كەزدەسۋى سوچيدە وتەدى دەپ جوسپارلانىپ وتىر. وندا ت م د ەلدەرى باسشىلارىنىڭ كەڭەسى مەن جوعارعى ەۋرازيا ەكونوميكالىق كەڭەس وتەدى»، - دەدى سەرگەي لاۆروۆ ءوز سوزىندە.
كرەملدىڭ باسپا ءسوز قىزمەتىنىڭ مالىمەتىنە سايكەس، ت م د ەلدەرى باسشىلارىنىڭ كەڭەسى مەن جوعارعى ەۋرازيا ەكونوميكالىق كەڭەسى 2017-جىلعى 11- قازاندا سوچيدە وتەدى.
اۆتور: ايان بەكەن ۇلى
