قىتاي حوككەيشىلەرىن ساباعان رىسپايەۆ ج ح ل- دا العاشقى شايباسىن سالدى

استانا. قازاقپارات - قىتاي حوككەيشىلەرىن سوققىعا جىققان «بارىستىڭ» بۇرىنعى ويىنشىسى دامير رىسپايەۆ قۇرلىقتىق حوككەي ليگاسىنا (ق ح ل) قايتىپ كەلۋى مۇمكىن، دەپ حابارلايدى قازاقپارات ءتىلشىسى.

1 جىلدان استام ۋاقىت جارىستان شەتتەتىلگەن دامير رىسپايەۆ 5- قازان كۇنى وسكەمەندىك «تورپەدو» كومانداسى ساپىندا قىتايلىق «تسەنگ-توۋ» قاقپاسىنا ج ح ل- داعى العاشقى شايباسىن سالىپ، قۋانىشىن Instagram پاراقشاسىنداعى جانكۇيەرلەرىمەن ءبولىستى.

ايتا كەتەرلىگى، رىسپايەۆ جاقىندا عانا ق ح ل شەشىمىمەن جوعارى حوككەي ليگاسىندا ويناۋعا رۇحسات العان بولاتىن. سونداي-اق، ق ح ل وكىلدەرى وتانداسىمىزدىڭ ءبىر اي سىناق مەرزىمىندەگى ارەكەتتەرىن ەسكەرىپ، ليگا ويىندارىنا قايتا قاتىسۋى تۋرالى ناقتى شەشىم قابىلدايتىن بولادى.

ەسكە سالايىق، 2016-جىلى 5- تامىزدا ق ح ل- دىڭ ەلوردالىق «بارىس» جانە قىتايدىڭ «كۋنلۋن رەد ستار» اراسىنداعى ويىندا رىسپايەۆ قىتاي حوككەيشىلەرىمەن توبەلەسىپ قالعان بولاتىن. قورىتىندىسىندا قىتايلىق كوماندا ويىننان باس تارتىپ، «بارىسقا» 0:5 ەسەبىمەن جەڭىلىس جازىلدى. ال رىسپايەۆ بولسا ق ح ل ويىندارىنان شەتتەتىلدى.

اۆتور: مۇحتار قاليموللا ۇلى