قازاق كۇرەسىنەن الەم چەمپيوناتىندا تۇڭعىش رەت ايەلدەر سىنعا تۇسەدى
ءتول سپورتىمىز - قازاق كۇرەسىنەن باستالعان الەم چەمپيوناتىنا 26 مەملەكەتتەن ەڭ تاڭداۋلى بالۋاندار جۇلدەلى ورىنداردى ساراپقا سالادى.
VII الەم چەمپيوناتىنىڭ باستى ەرەكشەلىگى - بۇل بىرىنشىلىكتە ەرلەر مەن قاتار تۇڭعىش رەت بۇرىمدى ارۋلاردا بوز كىلەمدە ونەرلەرىن ورتاعا سالىپ، ايەلدەر اراسىندا قازاق كۇرەسىنەن تۇڭعىش الەم چەمپيونى اتاعىنا تالاسپاق.
كەشە مينسك قالاسىنا كەلگەن پالۋاندار مەن كوماندا جەتەكشىلەرىنە ارنالعان وتىرىس بولىپ ءوتتى. وعان بىرىككەن كۇرەس الەمى قۇرامىنا كىرەتىن دۇنيەجۇزىلىك ۇلتتىق سپورت تۇرلەرى كوميتەتىنىڭ ءتوراعاسى ۆيلەيتا گينتاۋتاس پەن دۇنيەجۇزىلىك قازاق كۇرەسى فەدەراتسياسىنىڭ پرەزيدەنتى سەرىك توكەيەۆ جانە بەلارۋس قازاق كۇرەسى فەدەراتسياسىنىڭ پرەزيدەنتى ۆلاديمير گريشەنكوۆتار قاتىسىپ، وتەتىن چەمپيوناتتىڭ رەگلامەنتىن تانىستىرىپ، بالۋاندارعا ساتتىلىك تىلەدى. سونداي-اق، الەم چەمپيوناتىن داڭقتى سپورتشى، بەلارۋس قازاق كۇرەسى فەدەراتسياسىنىڭ قۇرمەتتى پرەزيدەنتى الەكساندر مەدۆەدتىڭ 80 جاسقا تولعان قۇرمەتىنە ارنايتىن بولىپ شەشىم قابىلداندى.
اۆتور: كۇنسۇلتان وتارباي
